'రోహిత్ తర్వాత అతడే టీ20 కెప్టెన్'- హర్భజన్ - IPL 2024

Harbhajan Singh On Indian Captaincy: రోహిత్ శర్మ తర్వాత టీమ్ఇండియాకు టీ20 ఫార్మాట్​లో సంజూ శాంసన్ ఉండాలని హర్భజన్ అభిప్రాయపడ్డాడు.

Harbhajan Singh On Indian Captaincy:టీమ్ఇండియా మాజీ క్రికెటర్ హర్భజన్ సింగ్ భారత టీ20 జట్టు కెప్టెన్సీ విషయంపై ఇంట్రెస్టింగ్ కామెంట్స్ చేశాడు. రోహిత్ శర్మ తర్వాత టీ20 ఫార్మాట్ బాధ్యతలు రాజస్థాన్ రాయల్స్ కెప్టెన్ సంజూ శాంసన్​కు అప్పగించాలని అన్నాడు. రాజస్థాన్ తాజాగా ముంబయిపై విజయం సాధించిన తర్వాత హర్భజన్ ఈ వ్యాఖ్యలు చేశాడు.

'వికెట్ కీపింగ్ కమ్​ బ్యాటింగ్ విషయంలో డిబేట్ అనవసరం. టీ20 వరల్డ్​కప్​లో సంజూ శాంసన్ స్థానం ఉంటుంది. ఇక రోహిత్ తర్వాత టీ20 ఫార్మాట్​లో టీమ్ఇండియాను నడిపించే సత్తా శాంసన్​కు ఉంది' అని భజ్జీ అన్నాడు. ఇక సోమవారం ముంబయి- రాజస్థాన్ మ్యాచ్​లో సెంచరీతో అదరగొట్టిన యంగ్ బ్యాటర్ యశస్వీ జైస్వాల్​ను కూడా భజ్జీ ప్రశంసించాడు. 'ఫామ్ టెంపరరీ, క్లాస్ పర్మనెంట్ అని జైస్వాల్ తాజా ఇన్నింగ్స్​తో నిరూపించాడు' అని ముంబయితో మ్యాచ్ అనంతరం భజ్జీ ట్వీట్ చేశాడు.

ఇక ప్రస్తుత ఐపీఎల్​లో రాజస్థాన్ అద్భుత ప్రదర్శన కనబరుస్తోంది. ఆల్​రౌండ్ విభాగాల్లో సమష్ఠిగా రాణిస్తూ, నిలకడగా విజయాలు సాధిస్తోంది. ఈ సీజన్​లో ఇప్పటివరకు 8 మ్యాచ్​లు ఆడిన రాజస్ధాన్ కేవలం ఒకదాంట్లోనే ఓడి, 7 మ్యాచ్​ల్లో విజయం సాధించింది. ఫలితంగా 14 పాయింట్లతో పట్టికలో అగ్రస్థానంలో కొనసాగుతోంది.

ఇక మ్యాచ్ విషయానికొస్తే, ముంబయి నిర్దేశించిన 180 పరుగుల లక్ష్యాన్ని రాజస్థాన్ 18.4 ఓవర్లలో ఒక వికెట్ కోల్పోయి అలవోకగా ఛేదించింది. ఈ మ్యాచ్​లో యువ సంచలనం రాజస్థాన్ ఓపెనర్ యశస్వీ జైస్వాల్ శతకంతో (104* పరుగులు,60 బంతుల్లో, 9x4, 7x6) అదరగొట్టాడు. మరో ఓపెనర్ బట్లర్ (35 పరుగులు), సంజూ శాంసన్ (38* పరుగులు) రాణించారు.