వింబుల్డన్​లో రోహిత్- హిట్​మ్యాన్ క్లాసీ లుక్ అదుర్స్ - Rohit Sharma Wimbledon

Rohit Sharma Wimbledon: టీమ్ఇండియా కెప్టెన్ రోహిత్ శర్మ 2024 వింబుల్డన్​ సెమీఫైనల్​లో సందడి చేశాడు. సూట్ ధరించి గ్రాండ్​గా ఎంట్రీ ఇచ్చాడు. ప్రస్తుతం ఈ ఫొటోలు, వీడియోలు సోషల్ మీడియాలో ఫుల్ ట్రెండ్ అవుతున్నాయి.

Rohit Sharma Wimbledon:టీమ్ఇండియా కెప్టెన్ రోహిత్ శర్మ టీ20 వరల్డ్​కప్​ తర్వాత రీఫ్రెష్​ మోడ్​లో ఉన్నాడు. ఈ నేపథ్యంలోనే హిట్​మ్యాన్ రీసెంట్​గా లండన్​ పయనమయ్యాడు. అక్కడ ఫ్యామిలీతో కాస్త చిల్ అవుతున్నాడు. ఈ క్రమంలో తాజాగా వింబుల్డన్ టెన్నిస్ ఛాంపియన్​షిప్​ సెమీఫైనల్​ మ్యాచ్​ చూసేందుకు వెళ్లాడు. దీంతో వరల్డ్​కప్ విన్నింగ్ కెప్టెన్ రోహిత్ శర్మకు గ్రాండ్ వెల్​కమ్ చెబుతూ వింబుల్డన్ తన అఫీషియల్ ట్విట్టర్ పేజ్​లో ఫొటో ​షేర్ చేసింది.

సూట్ ధరించిన రోహిత్​ క్లాసీ లుక్​తో వింబుల్డన్​లో స్పెషల్ అట్రాక్షన్​గా నిలిచాడు. బ్లూ షర్ట్, గ్రే కలక్ సూట్, టై విత్ గాగుల్స్​తో అచ్చం హాలీవుడ్ హీరోలా ఎంట్రీ ఇచ్చి, విజిటర్స్ గ్యాలరీలో కూర్చొని లైవ్ మ్యాచ్ ఎంజాయ్ చేశాడు. మ్యాచ్​కు ముందు రోహిత్ మాట్లాడాడు. 'నాకు టెన్నిస్ అంటే చాలా ఇష్టం. ఈ టోర్నీ జరుగుతుండగా నేను లండన్​లోనే ఉండడం కలిసొచ్చింది. తొలిసారి నేను వింబుల్డన్​కు వచ్చాను. ఈ క్రీడా వాతావరణాన్ని స్వయంగా ఎంజాయ్ చేద్దామని వచ్చా' అని అన్నాడు. ప్రస్తుతం ఈ ఫొటోలు సోషల్ మీడియాలో ఫుల్ ట్రెండ్ అవుతున్నాయి. 'హిట్​మ్యాన్ లుక్స్ అదుర్స్', 'బాలీవుడ్ హీరో', 'కెప్టెన్ స్వాగ్' అంటూ ఫ్యాన్స్ కామెంట్లు పెడుతున్నారు.

ఇక మ్యాచ్ విషయానికొస్తే, శుక్రవారం జరిగిన రెండో సెమీస్​లో డిఫెండింగ్‌ ఛాంపియన్‌ అల్కరాస్‌ (స్పెయిన్)- మెద్వెదెవ్‌ (రష్యా) తలపడ్డారు. ఈ మ్యాచ్​లో మెద్వెదెవ్‌పై అల్కరాస్‌ (1-7), 6-3, 6-4, 6-4 తేడాతో నెగ్గి ఫైనల్​కు దూసుకెళ్లాడు. మరో సెమీస్​లో సెర్బియా స్టార్‌ నొవాక్ జకోవిచ్- ముసెట్టి (ఇటలీ)తో తలపడ్డాడు. ఈ మ్యాచ్​లో జకొవిచ్ 6-4, 7-6 (7-2), 6-4తో విజయం సాధించాడు. ఇక జులై 14న జరగనున్న వింబుల్డన్ ఫైనల్​లో జకోవిచ్‌- అల్కరాస్‌ తలపడనున్నారు. ఏడుసార్లు ఛాంపియన్‌ నొవాక్‌ జకోవిచ్, గతేడాది విజేత కార్లోస్‌ అల్కరాస్‌ అదిరే ఆటతో ఫైనల్లోకి దూసుకొచ్చారు. మరి జకోవిచ్ 8వ టైటిల్ నెగ్గుతాడా? అల్కరాస్ డిఫెండింగ్ ఛాంపియన్ హోదా నిలుపుకుంటాడా? అనేది ఆదివారం తేలిపోనుంది.