ICC Latest T20 Rankings : ఐసీసీ తాజాగా టీ20 ర్యాంకింగ్స్ను విడుదల చేసింది. ఇందులో రుతురాజ్ గైక్వాడ్ సత్తా చాటి మళ్లీ టాప్-10లోకి దూసుకొచ్చాడు. ఏకంగా 13 స్థానాలు ఎగబాకి 662 పాయింట్లతో ఏడో ర్యాంకుకు చేరుకున్నాడు. జింబాబ్వేపై రెండో టీ20 టీమ్ఇండియా గెలవడంలో 77 పరుగులతో కీలకంగా వ్యవహరించిన అనంతరం ఈ మార్క్ను అందుకున్నాడు
ఇక ఈ సిరీస్తో అరంగేట్రం చేసిన అభిషేక్ శర్మ తొలి టీ20లో డకౌట్ అయినప్పటికీ రెండో టీ20లో 46 బంతుల్లోనే సెంచరీతో అదరగొట్టాడు. ఈ ప్రదర్శనతో తాజా ర్యాంకింగ్స్లో 75వ స్థానాన్ని దక్కించుకున్నాడు. ఇక టాప్-10లో టీమ్ఇండియా నుంచి సూర్యకుమార్ యాదవ్ ఉన్నాడు. అతడు తన రెండో స్థానంలోనే కొనసాగుతున్నాడు.
బ్యాటింగ్ విభాగంలో టాప్ - 10 ప్లేయర్స్ వీరే
1. ట్రావిస్ హెడ్ - 844
2. సూర్యకుమార్ యాదవ్ - 821
3. ఫిల్ సాల్ట్ - 797
4. బాబర్ ఆజం - 755
5. మహ్మద్ రిజ్వాన్ - 746
6. జాస్ బట్లర్ - 716
7. రుతురాజ్ గైక్వాడ్ - 662
8. బ్రాండన్ కింగ్ - 656
9. జాన్సన్ చార్లెస్ - 655
10. ఐడెన్ మరక్రమ్ - 646
ఆల్రౌండర్ విభాగంలో టాప్ ప్లేస్లో కొనసాగిన హార్దిక్ పాండ్య ఈ జింబాబ్వే పర్యటనకు దూరమవ్వడంతో తన అగ్రస్థానాన్ని కోల్పోయాడు. రెండో ర్యాంకుకు పడిపోయాడు. అగ్రస్థానంలో లంక ప్లేయర్ వనిందు హసరంగ 222 పాయింట్లతో నిలిచాడు. 12వ స్థానంలో అక్సర్ పటేల్ ఉన్నాడు.
బౌలింగ్ విభాగంలో లెఫ్ట్ ఆర్మ్ స్పిన్నర్ అక్సర్ రెండు స్థానాలు పడిపోయి 644 పాయింట్లతో తొమ్మిదో ర్యాంకుకు చేరుకున్నాడు. మరో లెఫ్ట్ ఆర్మ్ స్పిన్నర్ కుల్దీప్ యాదవ్ ముడు స్థానాలు పడిపోయి 11 ర్యాంకుకు, టీ2 ప్రపంచకప్ 2024 ప్లేయర్ బుమ్రా రెండు స్థానాలు పడిపోయి 14వ ర్యాంకుకు చేరుకున్నాడు. అయితే జింబాబ్వేతో జరిగిన తొలి రెండు టీ20ల్లో ఆరు వికెట్లు తీసిన రవి బిష్ణోయ్ 8 స్థానాలు ఎగబాకి 14 ప్లేస్లో నిలిచాడు. ఇక 5 స్థానాలు కిందకు పడిపోయి 19వ ప్లేస్లో అర్షదీప్ సింగ్ నిలిచాడు.
రచిన్కు బంపర్ ఆఫర్ - సెంట్రల్ కాంట్రాక్ట్ లిస్ట్లో చోటు
సపోర్టింగ్ స్టాఫ్పై గంభీర్ ఫోకస్- కొత్త బ్యాటింగ్ కోచ్గా సీనియర్! - Team India Batting Coach
