Rohit Sharma Border Gavaskar Trophy : పెర్త్‌ వేదికగా ప్రస్తుతం భారత్ వర్సెస్ ఆస్ట్రేలియా బోర్డర్-గవాస్కర్ ట్రోఫీ ఎంతో రసవత్తరంగా సాగుతోంది. ఆతిథ్య దేశానికి చుక్కలు చూపిస్తూ మన ప్లేయర్లు మంచి జోష్ మీద ఉన్నారు. అయితే ఈ టీమ్కు మరింత బలాన్ని చేకూర్చేందుకు స్టార్ క్రికెటర్ రోహిత్ శర్మ ఆస్ట్రేలియాకు పయనమయ్యాడు.
తొలి టెస్టుకు దూరమైన రోహిత్, శనివారం రాత్రి(నవంబర్ 23) ముంబయి విమానాశ్రయంలో కనిపించాడు. తన సతీమణి రితికా సజ్డే అతడికి సెండాఫ్ ఇచ్చేందుకు వచ్చారు. ఈ ఇద్దరూ కాసేపు ముచ్చటించి ఆ తర్వాత రోహిత్ ఆసీస్కు పయనమయ్యాడు. ఇక రితికా అతడికి హగ్ ఇచ్చి అతడ్ని ఫ్లైటెక్కించింది. ప్రస్తుతం దీనికి సంబంధించిన ఫొటోలు, వీడియోలు నెట్టింట తెగ ట్రెండ్ అవుతున్నాయి.
రీసెంట్గా రితికా - రోహిత్ రెండో సారి తల్లిదండ్రులైన సంగతి తెలిసిందే. ఆ ఆనంద క్షణాలను ఆస్వాదించేందుకు అలాగే తన సతీమణికి తోడుగా ఉండేందుకు రోహిత్ తొలి టెస్ట్కు దూరమయ్యాడు. అయితే ఇప్పుడు రెండో టెస్టు నుంచి మళ్లీ జట్టులోకి వచ్చేందుకు సిద్ధమయ్యాడు.
ఇక టెస్టుల్లో రోహిత్ శర్మ కెరీర్‌ పుంజుకోవడానికి చాలా సమయమే పట్టింది. చాలా ఏళ్ల పాటు సుస్థిర స్థానం సంపాదించుకోలేకపోయాడు. కానీ టెస్టుల్లోనూ ఓపెనర్గా వచ్చిన తర్వాత అతడి స్టైల్ మారింది. ప్రధాన ఆటగాళ్లలో ఒకడిగా ఎదిగాడు. విరాట్ నుంచి కెప్టెన్సీ అందుకున్నాక జట్టులో మరింత కీలకంగా మారాడు.
బోర్డర్ గావస్కర్ షెడ్యూల్ ఇదే - నవంబర్ 22 నుంచి భారత్, ఆస్ట్రేలియా మధ్య బోర్డర్- గావస్కర్ ట్రోఫీ 2024 - 25 సిరీస్ ప్రారంభమైంది. తొలి టెస్టు నవంబర్ 22 - 26 (పెర్త్‌లో); రెండో టెస్టు డిసెంబరు 6 - 10 (అడిలైడ్‌లో డే & నైట్‌); మూడో టెస్టు డిసెంబరు 14 -18 (బ్రిస్బేన్‌లో); నాలుగో టెస్టు డిసెంబరు 26 - 30 (మెల్‌బోర్న్‌లో); ఐదో టెస్టు జనవరి 3 - 7 (సిడ్నీలో) వరకు జరగనున్నాయి. గతేడాది వరకు నాలుగు మ్యాచ్‌ల సిరీస్‌గా కొనసాగిన ఈ ట్రోఫీ, ఈ సారి ఐదు మ్యాచ్‌ల టెస్టు సిరీస్‌గా నిర్వహించనున్నారు.
బోర్డర్ గావస్కర్ ట్రోఫీ - ఆసీస్ గడ్డపై కోహ్లీ, రోహిత్ రికార్డులు ఎలా ఉన్నాయంటే?
రెండోసారి తండ్రైన రోహిత్ శర్మ - మగబిడ్డకు జన్మనిచ్చిన రితికా సజ్దే
