Prabhas Instagram Post : టాలీవుడ్ స్టార్ హీరో ప్రభాస్ ఇటీవలే ఇన్స్టాగ్రామ్ వేదికగా ఓ ఇంట్రెస్టింగ్ పోస్ట్ షేర్ చేశారు. అందులో ఆయన "డార్లింగ్స్ ఎట్టకేలకు మన లైఫ్లోకి ఓ ప్రత్యేకమైన వ్యక్తి రానున్నారు. వెయిట్ చేయండి" అంటూ రాసుకొచ్చారు. ఇది చూసిన ఫ్యాన్స్ ఒక్కసారిగా షాకయ్యారు. ప్రభాసేనా ఇలాంటి పోస్ట్ పెట్టింది అంటూ ఆశ్చర్యపోతున్నారు. నెట్టింట ఈ పోస్ట్ గురించి రకరకాలుగా కామెంట్ చేస్తున్నారు.
కొందరేమో ఆయనకు పెళ్లి అంటూ చెప్తుండగా, మరికొందరేమో ఏదైనా బ్రాండ్ ప్రమోషన్ లేకుంటే కల్కి మూవీ ప్రమోషన్స్ అయ్యుండచ్చని అంటున్నారు. మరికొందరేమో ఆయన అకౌంట్ హ్యాక్ అయ్యిందేమో అంటూ సరదాగా కామెంట్ చేస్తున్నారు. ఏదేమైనప్పటికీ ఈ విషయం గురించి ప్రభాస్ రివీల్ చేస్తే కానీ అసలు నిజం బయటకు రాదు.
ఇక ప్రభాస్ ప్రస్తుతం 'కల్కి 2898' షూటింగ్లో బిజీగా ఉన్నారు. 'మహానటి' ఫేమ్ డైరెక్టర్ నాగ్ అశ్విన్ తెరకెక్కిస్తున్న భారీ మైథాలజీ సైన్స్ ఫిక్షన్ మూవీలో బాలీవుడ్ బిగ్ బీ అమితాబ్ బచ్చన్, లోక నాయకుడు స్టార్ కమల్ హాసన్, దీపికా పదుకొణె, దిశా పటానీ వంటి భారీ తారాగణం నటిస్తున్నారు. జూన్ 27న ప్రపంచవ్యాప్తంగా గ్రాండ్గా రిలీజ్ కానుంది ఈ సినిమా. కానీ ఈ మూవీటీమ్ ఇంతవరకు ప్రమోషన్స్ను స్టార్ట్ చేయలేదు. దీంతో అందరూ ఈ చిత్రానికి సంబంధించిన మరిన్ని అప్డేట్స్ కోసం ఆసక్తిగా ఎదురుచూస్తున్నారు.