వైరల్​గా కేఎల్ రాహుల్ ఇన్​స్టా పోస్ట్​ - రిటైర్మెంట్​ ప్రకటించనున్నాడా? - KL Rahul Retirement

KL Rahul Retirement : తాజాగా కేఎల్ రాహుల్ చేసిన ఓ పోస్ట్​ పలు అనుమానాలకు దారీ తీసింది. అతడు ఇంటర్నేషనల్ కెరీర్​కు రిటైర్మెంట్​ ప్రకటించబోతున్నాడా అని క్రికెట్ అభిమానులు చర్చించుకుంటున్నారు. పూర్తి వివరాలు స్టోరీలో.

KL Rahul Retirement : కోహ్లీ, రోహిత్‌ కాకుండా గత పదేళ్లలో మూడు ఫార్మాట్లలో టీమ్​ ఇండియా తరఫున ఎక్కువ మ్యాచ్‌ల్లో ప్రాతినిధ్యం వహించిన బ్యాటర్లలో కేఎల్ రాహుల్ ఒకడు. కోహ్లీ, రోహిత్‌ తర్వాత ఆ స్థాయి అందుకోగల ఆటగాడిగానూ గుర్తింపు తెచ్చుకున్నాడు. అయితే కొంత కాలంగా తన మీద పెట్టుకున్న అంచనాలను అందుకోవడంలో విఫలమవుతున్నాడు. ముఖ్యంగా జట్టు తనపై నమ్మకం పెట్టుకున్న ప్రతి సారీ నిరాశపరుస్తున్నాడు.

ఆ మధ్య గాయం కారణంగా కొన్ని నెలలుగా జట్టుకు కూడా దూరంగా ఉన్నాడు. రీసెంట్​గానే లంకతో జరిగిన వన్డే సిరీస్​తో జట్టులోకి అడుగుపెట్టాడు. కానీ ఈ సిరీస్​లోనూ అంచనాలను అందుకోలేకపోయాడు. త్వరలోనే బంగ్లాదేశ్​తో జరగబోయే సిరీస్​లో భాగం కానున్నాడని అంతా అనుకుంటున్నారు.

KL Rahul Insta post Viral : అయితే ఈ క్రమంలో ఇప్పుడు కేఎల్ రాహుల్ తన ఇంటర్నేషనల్ కెరీర్​కు గుడ్​ బై చెప్పనున్నాడా? అన్న అనుమానాలు మొదలయ్యాయి. అందుకు కారణం తాజాగా అతడు తన అఫీషియల్​ ఇన్​స్టా స్టోరీస్​లో పెట్టిన ఓ పోస్ట్. అందులో 'ఓ అనౌన్స్​మెంట్ చేయబోతున్నాను, వేచి ఉండండి' అంటూ రాసుకొచ్చాడు. దీంతో ప్రస్తుతం ఇది నెట్టింట్లో వైరల్​గా మారింది. ఇది చూసిన క్రికెట్ అభిమానులు రాహుల్ రిటైర్మెంట్ ప్రకటించబోతున్నాడా అంటూ ఆ పోస్ట్​ను స్క్రీన్​షాట్​ తీసి తెగ వైరల్ చేస్తున్నారు.

ఇదే సమయంలో మరో ఫేక్ స్క్రీన్​ షాట్​ కూడా వైరల్ అవుతోంది. అందులో రాహుల్​ తన అకౌంట్​ నుంచి రిటైర్మెంట్​ ప్రకటించినట్లు రాసి ఉంది. అయితే ఈ ఫేక్ స్క్రీన్ షాట్​ చూసిన వారు అదేమి నిజం కాదని కామెంట్లు చేస్తున్నారు. చూడాలి మరి రాహుల్ ఏ అనౌన్స్​మెంట్​ ఇవ్వనున్నాడో.

KL Rahul Career and Stats : 2014లో అంతర్జాతీయ అరంగేట్రం చేశాడు కేఎల్. ఇప్పటి వరకు 50 టెస్టులాడి 34.10 సగటుతో 2,863 పరుగులు చేశాడు. వన్డేల్లో 75మ్యాచుల్లో 50.36 సగటుతో 2,820 పరుగులు చేశాడు. 72 టీ20లు ఆడి సగటు 37.75తో 2,265 పరులుగు సాధించాడు.