IND VS BAN Players Diet Chart : క్రికెటర్ల ఫిట్నెస్ గురించి ప్రత్యేకంగా చెప్పనక్కర్లేదు. మరి ఆ స్థాయి ఫిట్నెస్ మెయిన్టెయిన్ చేయాలంటే డైట్ కచ్చితంగా పాటించాల్సిందే. ఆరోగ్యకరమైన ఫుడ్ తీసుకోవాల్సిందే. అలానే రుచికరమైన ఆహారాన్ని కూడా వారు తీసుకుంటుంటారు. అయితే వారికి ఆ తరహాలోనే టేస్టీ అండ్ హెల్తీ ఫుడ్ అందించేందుకు రెడీ అయింది హోటల్ ల్యాండ్ మార్క్ . ప్రస్తుతం భారత్ - బంగ్లాదేశ్‌ల మధ్య తొలి టెస్టు మ్యాచ్ చెన్నై చెపాక్ స్టేడియం వేదికగా జరుగుతోంది. రెండో టెస్టు కాన్పూర్‌లోని హిస్టారిక్ గ్రీన్ పార్క్ స్టేడియంలో జరగనుంది. అయితే ఈ మ్యాచ్‌కు ముందు సివిల్ లైన్స్‌లో ఉన్న హోటల్ ల్యాండ్ మార్క్‌లో ప్లేయర్లు బస చేస్తారు.
అయితే ఈ ప్లేయర్ల కోసం ల్యాండ్ మార్క్ హోటల్ స్వయంగా ఎన్నో రకాల వంటలతో పాటు ప్లేయర్లకు ఫేవరేట్ ఫుడ్ కూడా సిద్ధం చేస్తున్నారట. ఈ విషయాన్ని సదరు హోటల్ హెడ్ చెఫ్ బలరామ్ సింగ్ వెల్లడించారు. డైట్ ఛార్ట్ రెడీ అయిపోయిందని, ఆటగాళ్ల కోసం వంటకాలను ప్రీపేర్ చేయడం మొదలుపెట్టినట్లు తెలిపారు.
IND VS BAN Players Food Menu :ఈటీవీ భారత్‌తో మాట్లాడిన హెడ్ చెఫ్ బలరాం - "ఆటగాళ్లకు ఐదు రోజుల పాటు వరుసగా ఐదు డిఫరెంట్ థీమ్స్తో కూడిన ఆహారం అందించేందుకు ప్లాన్ చేశాం. అవాధి, రాజస్థానీ, గుజరాతీ, కోస్టల్‌లతో పాటు ఇతర థీమ్‌లతో కూడిన ఆహారం అందిస్తాం. అంతేకాకుండా వారికి ఇంకేదైనా ప్రత్యేకమైన ఆహారం తినాలనిపిస్తే దానిని కచ్చితంగా తయారుచేసి వారికి అందజేస్తాం" అని తెలిపారు.
ఫుడ్ మెనూ ఇదే! - హెడ్ చెఫ్ జ్యూస్‌ల గురించి మాట్లాడుతూ- ఉదయం బ్రేక్ ఫాస్ట్‌లో చెరకు రసం, యాపిల్, బీట్ రూట్, క్యారెట్(ఏబీసీ జ్యూస్) ఏర్పాటు చేస్తారు. అవి వాళ్లు రిఫ్రెష్ గా ఉంచుతాయి. ఇది వారని రీఫ్రెష్ చేస్తుంది. వీటితో పాటుగా ఆవకాడో స్మూతీని కూడా ప్లేయర్లకు అందిస్తాం. ఆర్టిఫీషియల్ ఎనర్జీ డ్రింక్స్, ఇతర ప్రొడక్టులేమీ ఇవ్వకుండా కేవలం జ్యూస్లను మాత్రమే, అది కూడా పల్ప్ ఫామ్లోనే అందిస్తాం. ప్లేయర్ల ఆరోగ్యం గురించి పూర్తి జాగ్రత్తలు తీసుకుంటున్నాం. ఒకవేళ ప్లేయర్ ఎవరైనా అస్వస్థకు గురైనా, లేదా ఎవరైనా ప్లేయర్ డైట్ ఛార్ట్లో ఉన్న ఫుడ్ తీసుకోవడం ఇబ్బందిగా ఫీల్ అయితే వారి కోసం లైట్ మీల్ రెడీ చేస్తాం. మూంగ్ దాల్ కిచిడీ సిద్ధం చేసి ఇస్తాం. భారత్, బంగ్లాదేశ్ ప్లేయర్లు తమ ఇళ్లకు ఇక్కడి నుంచి సంతోషంగా వెళ్లాలని ఆశిస్తున్నాం." అని వెల్లడించారు.