Ind vs Aus U-19 Final 2024:2024 అండర్-19 వరల్డ్కప్ ఫైనల్లో భారత్- ఆస్ట్రేలియా ఢీకొట్టనున్నాయి. ఫిబ్రవరి 11న సౌతాఫ్రికా బినోని స్టేడియం వేదికగా ఈ మ్యాచ్ జరగనుంది. ఇక గత ఏడాదికాలంలో భారత్- ఆస్ట్రేలియా మధ్య ఇది మూడో ఐసీసీ ఫైనల్ ఈవెంట్ కావడం విశేషం. గత రెండు ఈవెంట్ (డబ్ల్యూటీసీ 2023, వన్డే వరల్డ్కప్ 2023)ల్లోనూ ఆసీస్ గెలుపొంది భారత్కు నిరాశ మిగిల్చింది. దీంతో ఈసారైనా యువ భారత్ ప్రత్యర్థి ఆసీస్ను మట్టికరిపించాలని టీమ్ఇండియా ఫ్యాన్స్ ఆశిస్తున్నారు.
హిస్టరీ మనవైపే:ఈ టోర్నమెంట్లో భారత్ ఒక్క మ్యాచ్లో కూడా ఓడిపోకుండా తొమ్మిదోసారి ఫైనల్ చేరింది. మరోవైపు అండర్19 వరల్డ్కప్లో ఆసీస్ ఆరోసారి తుదిపోరుకు అర్హత సాధించింది. అయితే అండర్19 టోర్నీలో ఆసీస్పై టీమ్ఇండియాకు ఘనమైన రికార్డే ఉంది. గతంలో టీమ్ఇండియా రెండుసార్లు ఫైనల్లో (2012, 2018) ఆసీస్తో పోటీపడింది. రెండింట్లోనూ భారత్ విజయం సాధించి ఛాంపియన్గా నిలిచింది. ఇది భారత్కు కాస్త ఊరటనిచ్చే విషయం. ఇక మరోసారి ఆసీస్తో పోరుకు యువ భారత్ రెడీ అవుతోంది.
ఎవరేం తక్కువకాదు:ఈ టోర్నీలో భారత్ ఒక్క మ్యాచ్ కూడా ఓడకుండా ఫైనల్స్కు చేరింది. లీగ్ దశలో ఆరు మ్యాచ్లు ఆడిన భారత్, అన్నింట్లోనూ విజయం సాధించింది. అటు ఆస్ట్రేలియాది కూడా ఇదే పరిస్థితి. వాళ్లు కూడా ఓటమి ఎరుగకుండా తుదిపోరుకు అర్హత సాధించారు. దీంతో ఇరుజట్ల మధ్య పోరు గట్టిగానే ఉంటుందనడానికి ఎలాంటి సందేహం లేదు.