Neeraj Chopra Marriage :డబుల్ ఒలింపిక్ మెడల్ విజేత, భారత స్టార్ జావెలిన్ త్రోయర్‌ నీరజ్ చోప్రా ఓ ఇంటివాడయ్యాడు. అతడు హిమాని అనే అమ్మాయిని పెళ్లాడాడు. ఆదివారం ఇరు కుటుంబాలు, అత్యంత సన్నిహితుల సమక్షంలో అతడి పెళ్లి గ్రాండ్గా జరిగింది. ఈ వేడుకకు సంబంధించిన ఫొటోలను నీరజ్ స్వయంగా సోషల్ మీడియాలో షేర్ చేశాడు.
'జీవితంలో కొత్త అధ్యాయం ప్రారంభించాను. మీ అందరి ఆశీర్వాదాలకు కృతజ్ఞతలు' అని క్యాప్షన్ రాసుకొచ్చాడు. ఇక నీరజ్కు సోషల్ మీడియాలో శుభాకాంక్షలు వెల్లువెత్తుతున్నాయి. సెలబ్రిటీలు, అథ్లెట్లు నీరజ్కు కంగ్రాజ్యులేషన్స్ చెప్తున్నారు. అయితే నీరజ్ సతీమణి హిమాని అమెరికాలో ఉన్నత చదువు కొనసాగిస్తున్నట్లు తెలిసింది.