Dhawan Team India:టీమ్ఇండియా సీనియర్ బ్యాటర్ శిఖర్ ధావన్ తన కుమారుడి గురించి ప్రస్తావిస్తూ మరోసారి ఎమోషనల్ అయ్యాడు. గతనెల తన కుమారుడి బర్త్ డే సందర్భంగా ఎమోషనల్ పోస్ట్ చేసిన ధావన్, రీసెంట్గా 'హ్యూమన్స్ ఆఫ్ బాంబే' పాడ్కాస్ట్లో మరోసారి మాట్లాడాడు. తన కుమారుడిని రోజూ మెసేజ్లు పంపుతున్నట్లు ఈ ప్రోగ్రామ్లో చెప్పాడు.
'నేను రోజూ జొరావర్ (కుమారుడి పేరు)కు మెసేజ్లు పంపుతున్నా. అవి అతడికి చేరుతున్నాయా? మెసేజ్లు జొరావర్ చదువుతున్నాడా? లేదా? అది నాకు తెలీదు. ఒక తండ్రిగా నేను చేయాల్సింది చేస్తున్నా. వాడితో మాట్లాడి 5 నెలలు అయ్యింది. నేను వాడిని చాలా మిస్ అవుతున్నా. నా పోస్టులు వాడు చూస్తాడని ఆశిస్తున్నా. బాధగా కూడా ఉంటుంది. కానీ అలవాటైపోయింది. నేను జొరావర్ను కలిసేందుకు ఎన్నోసార్లు ప్రయత్నించా, రెండుసార్లు మాత్రమే కుదిరింది. అది కూడా కేవలం 2-3 గంటలు గడిపాను. వాడు ఎక్కడ ఉన్నా, ఏదో ఒక రోజు కచ్చితంగా నా దగ్గరకు వస్తాడు. నా కుమారుడు నాతోనే ఉండాలనుకుంటున్నా. వాడు ఎక్కడ ఉన్నా, ఏదో ఒక రోజు కచ్చితంగా నా దగ్గరకు వస్తాడు. నా కుమారుడిని హగ్ చేసుకోవాలని ఉంది' అని ధావన్ అన్నాడు.
Shikhar Dhawan Family: ఆస్ట్రేలియాకు చెందిన బాక్సర్‌ ఆయేషా ముఖర్జీని శిఖర్ ధావన్ 2012లో వివాహం చేసుకున్నాడు. వీరికి ఓ కుమారుడున్నారు. అయితే, వీరి మధ్య మనస్పర్థలు రావడం వల్ల 2020 నుంచి ఈ ఇద్దరూ దూరంగా ఉంటున్నారు. ధావన్ నుంచి తాను విడిపోతున్నట్లు 2021లో ఆయేషా ఇన్‌స్టా వేదికగా ప్రకటించింది. ఇక గతేడాది వీరికి కోర్టు విడాకులు మంజూరు చేసింది. అంతకుముందు నుంచే కుమారుడు జొరావర్ ఆయేషాతోనే ఉంటున్నాడు.