మీ ఇంట్లో కనక వర్షం కురవాలా? - వేంకటేశ్వర స్వామిని ఈ రోజున దర్శించుకుంటే చాలు! - Which Day is Good to Visit Tirumala

Tirumala: కలియుగ ప్రత్యక్షదైవం వేంకటేశ్వర స్వామిని దర్శించుకునేందుకు నిత్యం వేల సంఖ్యలో భక్తులు తిరుమలకు వెళ్తుంటారు. అయితే తిరుమల శ్రీవారిని ఈ రోజున దర్శించుకుంటే ధనలాభం కలుగుతుందని నిపుణులు చెబుతున్నారు. ఆ వివరాలు ఈ స్టోరీలో తెలుసుకుందాం.

Which Day is Good to Visit Tirumala:తిరుమల ప్రత్యక్ష దైవం శ్రీ వేంకటేశ్వర స్వామిని దర్శించుకునేందుకు ప్రపంచం నలుమూలల నుంచి భక్తులు వేల సంఖ్యలో తరలివస్తుంటారు. కాలినడకన స్వామి వారిని దర్శించుకుని ముడుపులు చెల్లించుకుంటారు. వారాలతో, వర్జ్యాలతో సంబంధం లేకుండా స్వామివారిని కనులారా వీక్షిస్తుంటారు. అయితే ఆ ఏడుకొండల వాడిని ఏ రోజు దర్శిస్తే మంచిదో మీకు తెలుసా? వారంలో ఏఏ రోజున దర్శించుకుంటే ఏఏ ఫలితాలు లభిస్తాయో పండితులు చెబుతున్నారు. అలాగే లక్ష్మీ కటాక్షం సిద్ధించాలంటే ఈ రోజున స్వామి వారిని దర్శించుకోవాలని చెబుతున్నారు. ఆ వివరాలు ఈ స్టోరీలో తెలుసుకుందాం..

తిరుమల శ్రీవారిని వారంలో ఒక్కొక్కరోజు దర్శనం చేసుకుంటే విశేషమైన ఫలితాలు కలుగుతాయని ప్రముఖ జ్యోతిష్య నిపుణులు మాచిరాజు కిరణ్​ కుమార్​ చెబుతున్నారు. ఆ ఫలితాలు ఏంటంటే..

ఆదివారం:ఈరోజు తిరుమల వేంకటేశ్వర స్వామిని దర్శించుకుంటే విష్ణులోక ప్రాప్తి కలుగుతుంది. ఉద్యోగంలో ప్రమోషన్లు లభిస్తాయి. రాజకీయాల్లో పురోగతి లభిస్తుంది. తల్లిదండ్రులకు సంబంధించిన ఆస్తులు తొందరగా సంక్రమిస్తాయని చెబుతున్నారు.

సోమవారం: తిరుమల క్షేత్రంలో స్వామి వారిని సోమవారం దర్శించుకుంటే మానసిక ప్రశాంతత కలుగుతుంది. దీర్ఘకాలిక అనారోగ్య సమస్యలు తగ్గిపోతాయి. ముఖ్యంగా పుష్కరిణిలో స్నానం చేసి స్వామి వారిని దర్శించుకుంటే ఎంత తీవ్రమైన అనారోగ్య సమస్యలైనా ఇట్టే తగ్గిపోతాయని చెబుతున్నారు.

మంగళవారం: ఆ ఏడుకొండల వాడిని మంగళవారం దర్శించుకుంటే రుణ బాధల నుంచి తొందరగా బయటపడవచ్చు. అలాగే సొంతింటి కలను నెరవేర్చుకోవాలన్నా మంగళవారం దర్శనం చేసుకోవచ్చని చెబుతున్నారు.

బుధవారం: స్వామి వారిని ఈరోజున దర్శిస్తే సరస్వతీ కటాక్షం కలుగుతుందని.. చిన్నపిల్లలకు మంచి విద్య లభిస్తుందని అంటున్నారు. చదువులో వెనుకబడిన పిల్లలు బుధవారం రోజున స్వామిని దర్శించుకుంటే చదువులో రాణిస్తారని అంటున్నారు.

గురువారం:ఈరోజున ఆ ఏడుకొండల వాడిని దర్శించుకుంటే వివాహ సమస్యలు తొలగిపోతాయని అంటున్నారు. వయసు ముదిరిపోతున్నా.. వచ్చిన సంబంధాలన్నీ క్యాన్సిల్​ అవుతున్నా.. గురువారం రోజు దర్శించుకుంటే మంచిదని వివరిస్తున్నారు. అలాగే పెళ్లై ఎన్ని సంవత్సరాలు అయినా పిల్లలు లేని వారు కూడా ఈరోజున దర్శించుకుంటే సంతానం కలుగుతుందని చెబుతున్నారు.

శుక్రవారం : ఈరోజున ఆ ఆపదమొక్కులవాడిని దర్శించుకుంటే లక్ష్మీ కటాక్షం కలుగుతుందని అంటున్నారు. అదృష్టం, ఐశ్వర్యం సిద్ధిస్తుందని.. ఇంట్లో కనకవర్షం కురుస్తుందని అంటున్నారు.

శనివారం: ఈ రోజున వడ్డీకాసుల వాడిని దర్శించుకుంటే నవగ్రహ దోషాలు తొలిగిపోతాయని అంటున్నారు. అలాగే కలి బాధల నుంచి విముక్తి లభిస్తుందని చెబుతున్నారు.

అయితే పైన చెప్పిన ఫలితాలు లభించాలంటే ముందుగా ఈ నియమాలు పాటించాలంటున్నారు మాచిరాజు కిరణ్​ కుమార్​. అవి ఏంటంటే..

• స్వామి వారిని దర్శించుకున్న ఫలితం కలగాలంటే ముందుగా పుష్కరిణిలో స్నానం చేసి వరాహ స్వామి వారిని దర్శించుకుని ఆ తర్వాత వేంకటేశ్వర స్వామి దర్శనానికి వెళ్లాలని చెబుతున్నారు.
• వరాహ స్వామి వద్ద పటిక బెల్లాన్ని నైవేద్యంగా పెట్టమని సలహా ఇస్తున్నారు.
• పవిత్రమైన తిరుమల కొండపై చెప్పులు వేసుకుని నడవరాదని చెబుతున్నారు.
• అలాగే మహిళలలు కొండ మీద పూల ధరించకూడదని సూచిస్తున్నారు.
• అంతేకాకుండా దైవ దర్శనానికి వెళ్లినప్పుడు చిన్న పిల్లలను ధూషించడం, కొట్టడం, కోపగించుకోవడం లాంటివి చేయొద్దని చెబుతున్నారు. ఈ నియామాలు పాటిస్తూ స్వామి వారిని దర్శించుకుంటేనే విశేషమైన ఫలితాలు లభిస్తాయని అంటున్నారు.

NOTE: పైన తెలిపిన వివరాలు కొందరు జ్యోతిష్య నిపుణులు, పురాణాల్లో పేర్కొన్న అంశాల ఆధారంగా అందించినవి మాత్రమే. అంతేకానీ, వీటిలో ఎలాంటి శాస్త్రీయ ఆధారాలు లేవనే విషయాన్ని పాఠకులు గమనించాలి. దీన్ని ఎంతవరకూ విశ్వసించాలి అనేది పూర్తిగా మీ వ్యక్తిగత విషయం.