Horoscope Today 2nd October 2024 :2024 అక్టోబర్ 2వ తేదీ (బుధవారం) మీ రాశి ఫలం ఎలా ఉందంటే?
మేషం (Aries) :మేషరాశి వారికి ఈ రోజు మిశ్రమ ఫలితాలు ఉంటాయి. గత కొంతకాలంగా ఇబ్బంది పెడుతున్న గడ్డు పరిస్థితుల నుంచి బయట పడతారు. మీ సహజ లక్షణాలైన పరోపకారం గురించి విమర్శించే వారిని పట్టించుకోవద్దు. వృత్తి, వ్యాపారాలలో ఆశించిన ఫలితాలు ఉంటాయి. ఆదాయం పెరుగుతుంది. కనుక సంతృప్తిగా ఉంటారు. వృథా ఖర్చులు నివారిస్తే మంచిది. అనారోగ్య సమస్యలు ఇబ్బంది పెడతాయి. సూర్య ఆరాధన శ్రేయస్కరం.
వృషభం (Taurus) :వృషభరాశి వారికి ఈ రోజు అనుకూలంగా ఉంటుంది. ముఖ్యంగా కమ్యూనికేషన్, మీడియా రంగాల వారికి ఈ రోజు ఫలవంతంగా ఉంటుంది. మీ వాక్చాతుర్యంతో శ్రోతలను మంత్ర ముగ్ధుల్ని చేస్తారు. నూతన పరిచయాలు లాభదాయకంగా ఉంటాయి. విద్యార్థులు చదువులో రాణిస్తారు. వృత్తి, వ్యాపారాలలో సామాన్య ఫలితాలు ఉంటాయి. ఆర్థిక పురోగతి ఉంటుంది. బుద్ధిబలంతో ఓ కీలక విషయంలో విజయం సాధిస్తారు. స్వల్ప అనారోగ్య సమస్యలు ఉండవచ్చు. ఆదిత్య హృదయం పారాయణ శక్తినిస్తుంది.
మిథునం (Gemini) :మిథునరాశి వారికి ఈ రోజు సామాన్యంగా ఉంటుంది. అన్ని రంగాల వారికి మొదలు పెట్టిన పనుల్లో ఆటంకాలు ఎదురవుతాయి. మీ భావోద్వేగాలను అదుపులో ఉంచుకోవడం అవసరం. లేకుంటే మీ బలహీనతలు శత్రువులకు బలంగా మారే ప్రమాదముంది. మనోబలంతో ముందుకు సాగితే విజయం సిద్ధిస్తుంది. ఖర్చులు పెరగకుండా చూసుకోండి. ఉద్యోగంలో శ్రమ పెరగవచ్చు. కొన్ని కీలకమైన వ్యవహారాల్లో కుటుంబ సభ్యుల సలహాలు మేలు చేస్తాయి. ప్రయాణాలు వాయిదా వేస్తే మంచిది. ఇష్ట దేవతారాధన శుభప్రదం.
కర్కాటకం (Cancer) :కర్కాటకరాశి వారికి ఈ రోజు అనుకూలంగా ఉంటుంది. ఉద్యోగులు కొత్త ప్రాజెక్టులలో పని చేసే అవకాశం రావడం వల్ల ఆనందంగా ఉంటారు. చిన్ననాటి స్నేహితులను కలుసుకొని సంతోషంగా గడుపుతారు. అదృష్టం కలిసివచ్చి అనుకోని విధంగా సంపదలు వరిస్తాయి. మీ ప్రత్యర్థులు వారి ఓటమిని అంగీకరించి మౌనంగా పక్కకు తప్పుకుంటారు. రెట్టించిన ఉత్సాహంతో పనిచేసి వృత్తి, వ్యాపారాలలో తిరుగులేని విజయాన్ని సొంతం చేసుకుంటారు. సమాజంలో మీ హోదా పెరుగుతుంది. కుటుంబంలో సుఖశాంతులు నెలకొంటాయి. ఇష్ట దేవతారాధన శుభకరం.
సింహం (Leo) :సింహరాశి వారికి ఈ రోజు సామాన్యంగా ఉంటుంది. వృత్తి, వ్యాపారాలలో ఎదురయ్యే సమస్యలను కుటుంబ సభ్యుల సహకారంతో అధిగమిస్తారు. ఆర్థిక పరిస్థితి నిరాశాజనకంగా ఉండవచ్చు. ఆదాయాన్ని మించిన ఖర్చులు ఉంటాయి. వ్యాపారంలో నష్టాలు ఉండవచ్చు. చిత్తశుద్ధితో, ఏకాగ్రతతో పనిచేస్తే మెరుగైన ఫలితాలు ఉంటాయి. ఆరోగ్యం సహకరిస్తుంది. కార్యసిద్ధి హనుమ ఆరాధన శ్రేయస్కరం.
కన్య (Virgo) :కన్యారాశి వారికి ఈ రోజు అనుకూలంగా ఉంటుంది. ఈ రాశి వారికి ఈ రోజు లక్ష్మీకటాక్ష సిద్ధి ఉంటుంది. కోరినవన్నీ పొందగలుగుతారు. వృత్తి, వ్యాపారాలలో ఎలాంటి ఒడిడుకులు లేకుండా ప్రశాంతంగా ఉంటుంది. సన్నిహితులతో, కుటుంబ సభ్యులతో విహారయాత్రలకు వెళతారు. విందు, వినోదాలలో పాల్గొంటారు. అనుకున్న పనులు అనుకున్నట్లుగా జరగుతాయి. దీనితో మానసికంగా ప్రశాంతంగా ఉంటారు. ఆరోగ్యం పట్ల శ్రద్ధ అవసరం. వ్యాపారులకు ప్రయాణాలు కలిసి వస్తాయి. శ్రీకనకదుర్గా దేవి ఆరాధన శుభకరం.
తుల (Libra) :తులారాశి వారికి ఈ రోజు ప్రతికూల ఫలితాలు గోచరిస్తున్నాయి. ముఖ్యంగా ఈ రోజు అనారోగ్య సమస్యలు చుట్టు ముడతాయి. ఏ పని మీదా ఆసక్తి లేకుండా నిరాసక్తంగా ఉంటారు. ముఖ్యమైన వ్యవహారాలు వాయిదా వేస్తే మంచిది. ఒక కీలక వ్యవహారంలో ఆర్థిక నష్టం ఉండే అవకాశం ఉంది కాబట్టి జాగ్రత్తగా ఉండండి. కోపాన్ని అదుపులో ఉంచుకోవడం అవసరం. లేకుంటే సన్నిహితులతో అపార్థాలు, కలహాలు ఏర్పడతాయి. నవగ్రహ శ్లోకాలు పఠిస్తే ప్రతికూలతలు తొలగిపోతాయి.
వృశ్చికం (Scorpio) :వృశ్చికరాశి వారికి ఈ రోజు శుభకరంగా ఉంటుంది. ఉద్యోగులకు జీతం పెరుగుదల, ప్రమోషన్ వంటి శుభ ఫలితాలు ఉంటాయి. పెద్ద మొత్తంలో ధనం బోనస్ రూపంలో అందుకుంటారు. ఉన్నతాధికారుల ప్రసంశలు అందుకుంటారు. స్నేహితులతో సరదాగా గడుపుతారు. వ్యాపారులు గతంలో ఎన్నడూ లేనంత లాభాలను అందుకుంటారు. జీవిత భాగస్వామితో అనుబంధం దృఢ పడుతుంది. ఇష్ట దేవతారాధన శుభకరం.
ధనుస్సు (Sagittarius) :ధనుస్సురాశి వారికి ఈ రోజు అనుకూలంగా ఉంటుంది. అన్ని రంగాల వారికి వృత్తికి సంబంధించి నూతన అవకాశాలు అందుకుంటారు. కష్టించి పనిచేసి విజయాలు సాధిస్తారు. ఆర్థికంగా శుభఫలితాలు ఉంటాయి. సంపద వృద్ధి చెందుతుంది. అవివాహితులకు వివాహం నిశ్చయమవుతుంది. కుటుంబంలో సంతోషం నెలకొంటుంది. ఆర్థిక పరిస్థితి మెరుగు పడుతుంది. స్వల్ప అనారోగ్య సమస్యలుండవచ్చు. దుర్గాస్తుతి పారాయణ మేలు చేస్తుంది.
మకరం (Capricorn) :మకరరాశి వారికి ఈ రోజు మిశ్రమ ఫలితాలు ఉంటాయి. బుద్ధిబలం, తెలివితేటలతో పనిచేస్తే అసాధ్యాన్ని సుసాధ్యం చేయవచ్చు. బద్దకాన్ని వీడి చురుకుగా ఉంటే కార్యసిద్ధి ఉంటుంది. రచయితలకు, కవులకు శుభసమయం నడుస్తోంది. సృజనాత్మకతతో పనిచేసి సామాజికంగా మంచి గుర్తింపు పొందుతారు. గిట్టనివారి విమర్శలకు ప్రాధాన్యత ఇవ్వకండి. ఆదాయాన్ని మించిన ఖర్చులు ఉండవచ్చు. నవగ్రహ శ్లోకాలు పఠిస్తే ఆపదలు తొలగిపోతాయి.
కుంభం (Aquarius) : కుంభరాశి వారికి ఈ రోజు సామాన్యంగా ఉంటుంది. వృత్తి పరంగా అనేక ఇబ్బందులు, ఒత్తిడిలు పెరిగే అవకాశం ఉంది. కోపావేశాలను అదుపులో ఉంచుకోండి. దైవారాధనలో గడిపితే ప్రశాంతంగా ఉంటుంది. ఎవరితోనూ వాదనలు దిగవద్దు. ఇతరులను బాధపెట్టే విధంగా ప్రవర్తించవద్దు. ఇంట్లో శుభకార్యాలు చేస్తారు. దీనితో ధనవ్యయం ఉండవచ్చు. అదనపు ఆదాయ వనరుల కోసం ప్రయత్నిస్తారు. ఆరోగ్యం సామాన్యంగా ఉంటుంది. శ్రీ అభయ ఆంజనేయ స్వామి ఆలయ సందర్శనతో మేలు జరుగుతుంది.
మీనం (Pisces) :మీనరాశి వారికి ఈ రోజు అనుకూలంగా ఉంటుంది. అన్ని రంగాల వారికి వృత్తి, వ్యాపారాలలో శ్రమకు తగిన ఫలితాలు ఉంటాయి. భూగృహ కొనుగోలు, అమ్మకాలకు అనువైన రోజు. ఆదాయం పెరగడం ఆనందాన్ని కలిగిస్తుంది. పొదుపు ప్రణాళికలు చేపడతారు. తీరికలేని పనులతో గడుపుతారు. తగినంత విశ్రాంతి అవసరం. స్నేహితులతో విందు, వినోదాలలో పాల్గొని సరదాగా గడుపుతారు. ఇష్ట దేవతారాధన శుభప్రదం.
