Police Notices YSRCP Leader Amzath Basha Brother: కడపకు చెందిన వైఎస్సార్సీపీ నేత, మాజీ ఉప ముఖ్యమంత్రి అంజద్ బాషా సోదరుడు అహ్మద్ భాషాకు కడప చిన్నచౌకు పోలీసులు శుక్రవారం 41A నోటీసులు అందజేశారు. ఇటీవల కడప ఎమ్మెల్యే మాధవి రెడ్డి పైన, హోం మంత్రి అనితపైన, స్పీకర్ అయ్యన్నపాత్రుడుపైన సామాజిక మాధ్యమాల్లో అభ్యంతరకరమైన పోస్టులు పెట్టారనే అంశంపై అహ్మద్ భాషాపై ఇటీవల కేసు నమోదు అయింది.
విచారణకు రావాలని నోటీసులు - 15 రోజుల టైమ్ కావాలన్న అంజాద్ బాషా సోదరుడు - Police notices AMZATH BASHA brother
By ETV Bharat Andhra Pradesh Team
Published : Sep 13, 2024, 10:55 PM IST
|Updated : Sep 14, 2024, 6:07 PM IST
Police Notices YSRCP Leader Amzath Basha Brother: వైఎస్సార్సీపీ నేత అంజాద్ బాషా సోదరుడు అహ్మద్ బాషాకు పోలీసులు శుక్రవారం నోటీసులు ఇచ్చారు. కడప ఎమ్మెల్యే, హోంమంత్రి, సభాపతిపై సోషల్ మీడియాలో అభ్యంతరకరమైన పోస్టులు పెట్టారని ఆయనపై కేసు నమోదైంది. ఈ మేరకు నేడు విచారణకు హాజరుకావాలన్నారు. అయితే విచారణకు రాలేనని అహ్మద్ భాష పోలీసులకు లేఖ పంపారు.
అందులో భాగంగానే కడప చిన్నచౌకు పోలీసులు అహ్మద్ భాషకు 41 - A నోటీసులు జారీ చేశారు. నేడు కడప చిన్నచౌక్ పోలీస్ స్టేషన్లో అహ్మద్ బాషా విచారణకు హాజరవుతారని భావించారు. అయితే తాను విచారణకు రాలేనని అంజాద్ బాషా సోదరుడు అహ్మద్ భాష పోలీసులకు లేఖ పంపారు. 15 రోజులు సమయం కావాలని లేఖలో పేర్కొన్నారు. వ్యక్తిగత పనుల నిమిత్తం హాజరు కాలేకపోతున్నట్లు వెల్లడించారు.