Instant Tomato Pachadi at Home :చాలా మంది ఇష్టంగా తినే పచ్చళ్లలో టమాటా ముందు వరుసలో ఉంటుంది. టమాటాలతో ఎన్నో రకాలు పచ్చళ్లు ప్రిపేర్ చేసుకుంటుంటారు. అయితే ఏ పచ్చడి చేసినా చాలా వరకు మిక్సీ పట్టడం, తాలింపు పెట్టడం ఉంటుంది. కానీ ఇప్పుడు చెప్పబోయే రెసిపీలో ఇవేమి లేకుండా కేవలం 10 నిమిషాల్లో అద్దిరిపోయే రుచితో ప్రిపేర్ చేసుకోవచ్చు. ఎన్నడూ తినని టేస్ట్తో వహ్వా అనిపిస్తుంది. ఈ రెసిపీ బ్యాచిలర్స్కు మరింత స్పెషల్. అతి తక్కువ పదార్థాలతో చేసుకునే ఈ చట్నీ అన్నంతో పాటు చపాతీ, టిఫెన్స్లోకీ అద్భుతంగా ఉంటుంది. మరి, ఈ సూపర్ టేస్టీ పచ్చడికి కావాల్సిన పదార్థాలు, తయారీ విధానం ఇప్పుడు చూద్దాం.
కావాల్సిన పదార్థాలు:
- నూనె - 3 టేబుల్ స్పూన్లు
- పొట్టు తీసిన వెల్లుల్లి రెబ్బలు - 15
- టమాటాలు - 6
- కారం - 2 టేబుల్ స్పూన్లు
- ఉప్పు - రుచికి సరిపడా
- ఉల్లిపాయ - 1
- పచ్చిమిర్చి - 3
- కొత్తిమీర తరుగు - కొద్దిగా
- నిమ్మకాయ - అర చెక్క
తయారీ విధానం:
- టమటాలను శుభ్రంగా కడిగి వాటి తొడిమ తీసి ఒక్కో టమాటాను రెండు భాగాలుగా కట్ చేసుకోవాలి. ఇలా టమాటాలన్నింటిని కట్ చేసుకుని పక్కన పెట్టాలి.
- ఉల్లిపాయ, పచ్చిమిర్చి, కొత్తిమీరను కూడా శుభ్రంగా కడిగి సన్నగా తరిగి పక్కన ఉంచాలి.
- స్టవ్ ఆన్ చేసి పాన్ పెట్టి నూనె పోసుకోవాలి. ఆయిల్ హీటెక్కిన తర్వాత టమాట ముక్కలను విడివిడిగా పెట్టి ఓ వైపు ఉడికించుకోవాలి. ఆ తర్వాత పొట్టు తీసిన వెల్లుల్లి రెబ్బలు వేసి మూత పెట్టి కుక్ చేసుకోవాలి..
- ఓ 5 నిమిషాల తర్వాత మూత తీసి టమాట ముక్కలను రెండో వైపు తిప్పి కాల్చుకోవాలి.
- టమాట ముక్కలు రెండు వైపులా కాలిన తర్వాత స్టవ్ ఆఫ్ చేసి వాటి పై తొక్కును తీసేయాలి. ఇప్పుడు ఓ గరిటె లేదా స్మాషర్ సాయంతో టమాటాలు, వెల్లుల్లిని మెత్తగా మెదుపుకోవాలి.
- ఆ తర్వాత రుచికి సరిపడా ఉప్పు, కారం వేసి కలపాలి. అనంతరం సన్నగా తరిగిన ఉల్లిపాయ, పచ్చిమిర్చి, కొత్తిమీర తరుగు వేసి కలపాలి. చివరగా నిమ్మరసం పిండి కలిపి ఓ గిన్నెలోకి తీసుకుంటే సూపర్ టేస్టీ ఇన్స్టంట్ టమాట పచ్చడి.
- ఈ పచ్చడి అన్నం, చపాతీ, టిఫెన్స్లోకి పర్ఫెక్ట్. బ్యాచిలర్స్ కూడా చాలా ఈజీగా చేసుకోవచ్చు. నచ్చితే మీరూ ఓ సారి ట్రై చేయండి.
రేటు తక్కువున్నప్పుడు ఇలా "టమాటా పొడి" చేసుకోండి - నెలల పాటు నిల్వ! - రసం, చారులోకి పర్ఫెక్ట్!
మీరు ఎన్నడూ తిని ఉండరు - "పచ్చి టమాటా పచ్చడి" - టేస్ట్ నెక్స్ట్ లెవల్ అంతే!
