Android Smartphones 8 Years OS Updates: ప్రస్తుతం స్మార్ట్ఫోన్ వాడకం అనివార్యం అయిపోయింది. దీంతో మార్కెట్లో వీటి సేల్స్ విపరీతంగా జోరందుకున్నాయి. అయితే ఫోన్ను కొనుగోలు చేసేటప్పుడు కస్టమర్లు దాని స్పెసిఫికేషన్లతో పాటు సాఫ్ట్వేర్ అప్డేట్లను కూడా చూస్తారు. ఎందుకంటే ప్రతిఒక్కరూ తమ ఫోన్ ఎక్కువ కాలం ఉపయోగించేలా ఉండాలని కోరుకుంటారు.
ఈ నేపథ్యంలోనే వినియోగదారులు కొత్త ఫోన్ను కొనేందుకు ముందుగా దానితోపాటు కంపెనీ ఎన్ని సంవత్సరాల OS, సెక్యూరిటీ అప్డేట్స్ను అందిస్తుందో చెక్ చేస్తారు. దీనికి కారణం ఈ అప్డేట్స్ లేకుండా ఫోన్లు సరిగ్గా పనిచేయవు. అంటే స్మార్ట్‌ఫోన్‌ను సురక్షితంగా, సరైన పద్ధతిలో ఉపయోగించేందుకు OS అండ్ సెక్యూరిటీ అప్డేట్స్ అవసరం.
దీంతో గత కొన్నేళ్లుగా స్మార్ట్ఫోన్లకు సాఫ్ట్వేర్ సపోర్ట్ మరింతగా ఇంప్రూవ్ అయిందనే చెప్పొచ్చు. అనేక బ్రాండ్స్ 2 సంవత్సరాల కంటే ఎక్కువ అప్డేట్లను అందిస్తున్నాయి. ఇక శాంసంగ్, గూగుల్ సంస్థలు అయితే తమ ఫాగ్షిప్ ఫోన్లకు అంటే 'గెలాక్సీ S24', 'పిక్సెల్ 8 సిరీస్'లకు గరిష్ఠంగా 7 సంవత్సరాల వరకు సాఫ్ట్వేర్ సపోర్ట్ పాలసీని ప్రకటించి మరో అడుగు ముందుకు వేశాయి. వీటి సక్సెసర్ల విషయంలో కూడా ఇదే పరిస్థితి.
అయితే ఇప్పుడు ఏకంగా 8 సంవత్సరాల వరకు ఆండ్రాయిడ్ అప్డేట్లను అందించేందుకు గూగుల్, క్వాల్కామ్ సంస్థలు రెడీ అయ్యాయి. ఇందుకోసం క్వాల్కామ్, గూగుల్ కంపెనీలు జతకట్టాయి. దీంతో ఇకపై వినియోగదారులు ఎటువంటి కొత్త సాఫ్ట్వేర్ ఫీచర్‌లను కోల్పోకుండా తమ ఫోన్‌లను ఎక్కువ కాలం ఉపయోగించొచ్చు.
ఈ మేరకు పవర్ఫుల్ చిప్సెట్ తయారీ సంస్థ క్వాల్కామ్.. గూగుల్ భాగస్వామ్యంలో ఒక కొత్త కార్యక్రమాన్ని ప్రకటించింది. దీనిలో భాగంగా స్నాప్‌డ్రాగన్ 8 ఎలైట్ చిప్‌సెట్‌తో వచ్చే స్మార్ట్ఫోన్లు 8 సంవత్సరాల పాటు ఆండ్రాయిడ్ సాఫ్ట్వేర్, సెక్యూరిటీ అప్డేట్లను పొందుతూనే ఉంటాయి. అంటే ఈ ప్రోగ్రామ్తో మొదట ప్రయోజనం పొందేది స్నాప్‌డ్రాగన్ 8 ఎలైట్ చిప్సెట్ ఉన్న స్మార్ట్ఫోన్లు. ఇవి ఆండ్రాయిడ్ 15 OSతో రన్ అవుతాయి.
క్వాల్కామ్, గూగుల్ భాగస్వామ్యంలో ఎనిమిదేళ్ల వరకు సాఫ్ట్వేర్ సపోర్ట్:
- ఈ కొత్త ప్రోగ్రామ్ ప్రకారం.. స్నాప్‌డ్రాగన్ 8 ఎలైట్ ప్రాసెసర్‌తో ఆధారితమైన ఆండ్రాయిడ్ 15 అవుట్ ఆఫ్ ది బాక్స్‌లో రన్ అయ్యే డివైజ్లు ఈ 8 సంవత్సరాల సాఫ్ట్వేర్ అప్‌డేట్‌లకు ఎలిజిబుల్ అయ్యే మొదటి పరికరాలు.
- అయితే దీనర్థం 'వన్ప్లస్ 13', 'ఐకూ 13' వంటి మరిన్ని ఫోన్లు ఈ అప్డేట్స్ను రిసీవ్ చేసుకుంటాయని కాదు.
- ఈ 8 సంవత్సరాల ఫుల్ అప్డేట్స్ అనేవి అమలు చేయాలా వద్దా అనే దానిపై ఫైనల్ డెసిషన్ వాటి తయారీ సంస్థలపై ఆధారపడి ఉంటుంది.
- కొన్ని కంపెనీలు ఈ స్నాప్‌డ్రాగన్ 8, 7-సిరీస్ చిప్‌సెట్‌లతో తమ ఫోన్‌లలో ఈ అప్డేట్స్ను అందిస్తాయి. కొన్ని అందించవు. ఈ కారణంగా ఈ చిప్‌సెట్‌లు ఉన్న ప్రతి ఫోన్‌కు 8 సంవత్సరాల పాటు అప్డేట్స్ వస్తాయో లేదో చెప్పలేము.
- క్వాల్కామ్ సంస్థ సపోర్ట్ ఫ్రేమ్‌వర్క్‌ను అందిస్తోంది. ఈ చిప్‌మేకర్ దాని అప్లికేషన్-స్పెసిఫిక్ ఇంటిగ్రేటెడ్ సర్క్యూట్‌లు (ASICలు), OEM నుంచి ఎటువంటి పెద్ద మార్పులు అవసరం లేని గూగుల్ ప్రాజెక్ట్ ట్రెబుల్‌ను ఉపయోగించుకోవడంతో ఈ ప్రోగ్రామ్ సాధ్యమవుతుంది.
- క్వాల్కామ్.. ఎనిమిదేళ్ల విండో సపోర్ట్ కోసం మొబైల్ ప్లాట్‌ఫామ్ ACK (ఆండ్రాయిడ్ కామన్ కెర్నల్ )కు రెండు అప్‌గ్రేడ్‌లను అందిస్తుంది.
- ఈ ఏడాది చివర్లో కొత్త స్నాప్‌డ్రాగన్ 8, 7-సిరీస్ ప్రాసెసర్‌లతో లాంఛ్ అయ్యే ఫోన్లు ఈ ఎక్స్టెండెడ్ సాఫ్ట్వేర్ ప్రోగ్రామ్‌కు అర్హత పొందుతాయని క్వాల్కామ్ వెల్లడించింది.
- ఇప్పుడు కొత్తగా ప్రకటించిన ప్రోగ్రామ్ నెక్స్ట్ ఐదు జనరేషన్ల క్వాల్కామ్ చిప్‌లకు కూడా విస్తరిస్తుంది.
- అయితే పాత స్నాప్‌డ్రాగన్ ప్లాట్‌ఫామ్‌లు 8 సంవత్సరాల OS అప్డేట్స్ను రిసీవ్ చేసుకునేందుకు ఎలిజిబుల్ కాదు.
ఈ ఎక్స్టెండెడ్ సాఫ్ట్వేర్ ప్రోగ్రామ్.. OEM (Original Equipment Manufacturer)లు, కన్జ్యూమర్స్కు ప్రయోజనకరంగా ఉంటుంది. ఇది అప్డేట్ ప్రాసెస్ను సులభతరం చేస్తుంది. అంతేకాక ఇది పొటెన్షియల్ ఖర్చులను తగ్గించడంతో పాటు డివైజ్ల లైఫ్టైమ్ను పొడిగిస్తుంది.
ట్రిపుల్ కెమెరా సెటప్తో నథింగ్ ఫోన్ 3a సిరీస్- డిజైన్ కూడా రివీల్- టీజర్ చూశారా?
M4 చిప్‌తో యాపిల్ మ్యాక్‌బుక్ ఎయిర్ మోడల్స్- రిలీజ్ ఎప్పుడంటే?
మంచి స్మార్ట్ఫోన్ కొనాలా?- అయితే కాస్త ఆగండి- త్వరలో కిర్రాక్ మోడల్స్ లాంఛ్!
