How to Make Road Side Munta Masala at Home:ముంత మసాలా.. ఈ పేరు వింటేనే చాలా మంది మౌత్ వాటరింగ్ అవుతుంది. కొంచెం కారంగా.. కొంచెం ఉప్పగా.. కొంచెం పుల్లగా ఉండే దీనిని తింటే కలిగే ఫీలింగ్ వేరే లెవల్. అలా సాయంత్రం సమయాన అలా నడుచుకుంటూ దీనిని తింటుంటే వచ్చే కిక్కు వేరేగా ఉంటుంది. మరమరాలు, నిమ్మరసం, మసాలాలు, ఉల్లిపాయ ముక్కలు ఇలా ఒక్కటేమిటి.. అందులో ఉన్న ప్రతీ రుచి అమోఘమే.
అయితే చాలా మంది రోడ్ సైడ్ బండ్ల మీద లభించే రుచితో.. దీనిని ఇంట్లోనే ప్రిపేర్ చేసుకోవాలనుకుంటారు. కానీ.. ఆ టేస్ట్ మాత్రం రాదు. అలాంటప్పుడు కొన్ని టిప్స్ పాటిస్తూ ముంత మసాలా చేసేస్తే టేస్ట్ అమోఘం. మరి దీనికి కావాల్సిన పదార్థాలు, తయారీ విధానం ఈ స్టోరీలో చూద్దాం..
ముంత మసాలా కోసం కావాల్సిన పదార్థాలు:
- మరమరాలు - 2 కప్పులు
- కార్న్ఫ్లేక్స్ - అర కప్పు
- పల్లీలు - పావు కప్పు
- ఉల్లిపాయలు - 2 (మీడియం సైజ్)
- టమాట - 1(పెద్దది)
- పచ్చిమిర్చి - 2
- కొత్తిమీర తరుగు - కొద్దిగా
- ఉప్పు - రుచికి సరిపడా
- కారం- రుచికి సరిపడా
- ధనియాల పొడి - 1 టీ స్పూన్
- వేయించిన జీలకర్ర పొడి - అర టీ స్పూన్
- చాట్ మసాలా - 1 టీ స్పూన్
- నెయ్యి - 2 టీస్పూన్లు
- నిమ్మరసం - 1 టీ స్పూన్
తయారీ విధానం :
- ముందుగా ఉల్లిపాయలు, టమాట, పచ్చిమిర్చి, కొత్తిమీరను సన్నగా కట్ చేసుకోవాలి.
- స్టవ్ ఆన్ చేసి పాన్ పెట్టి మరమరాలను క్రిస్పీగా వేయించుకుని పక్కకు పెట్టుకోవాలి.
- ఆ తర్వాత అదే పాన్లో వేయించడానికి సరిపడా నూనె పోసి వేడి చేసుకోవాలి.
- ఆయిల్ హీట్ అయిన తర్వాత కార్న్ఫ్లేక్ వేసి ఫ్రై చేసుకుని వేరే ప్లేట్లోకి తీసుకోవాలి.
- ఇక్కడ కార్న్ఫ్లేక్స్ అంటే పాలల్లో వేసుకుని తినేవి కాకుండా.. చిప్స్తోపాటు లభించే కార్న్ఫ్లేక్స్ వాడాలి.
- ఇప్పుడే అదే నూనెలో పల్లీలు వేసి ఎర్రగా వేయించుకుని పక్కకు పెట్టుకోవాలి.
- ఇప్పుడు ఓ పెద్ద బౌల్ తీసుకుని అందులోకి వేయించిన మరమరాలు, కార్న్ఫ్లేక్స్ వేసి చేత్తో ప్రెస్ చేస్తూ కలపాలి.
- ఇందులోకి ఉల్లిపాయ తరుగు, టమాటా ముక్కలు, పచ్చిమిర్చి తరుగు, కొత్తిమీర, రుచికి సరిపడా ఉప్పు, కారం, ధనియాల పొడి, వేయించిన జీలకర్ర పొడి, చాట్ మసాలా, నెయ్యి, నిమ్మరసం, వేయించిన పల్లీలు వేసి బాగా కలుపుకోవాలి.
- ఈ స్టేజ్లో ఉప్పు, కారం, పులుపు చూసుకుని తక్కువ ఉంటే మరికొంచెం కలుపుకోవచ్చు. కావాలంటే మిర్చి బజ్జీని కూడా కట్ చేసుకుని వేసుకోవచ్చు.
- అంతే రోడ్ సైడ్ లభించే రుచితో ముంత మసాలా రెడీ!!
బయటి జిలేబీ అన్ హెల్దీ కావొచ్చు! - ఇంట్లో ఇలా ఈజీగా ప్రిపేర్ చేసుకోండి - రుచి అమృతమే!
మార్నింగ్ బ్రేక్ఫాస్ట్ తయారీకి టైమ్ లేదా? - ఈ "ఇన్స్టంట్ దోశ"ను ట్రై చేయండి - 5 నిమిషాల్లోనే రెడీ!
నోరూరించే 'దొండకాయ 65' - నిమిషాల్లోనే రెడీ అవుతుంది - టేస్ట్ వేరే లెవల్!
