Why Is Chile So Long :ప్రపంచంలోనే అత్యంత పొడవైన దేశం చిలీ (Chile). ఇది దక్షిణ అమెరికా ఖండంలో ఉంది. దక్షిణ అమెరికాలోని పశ్చిమ తీరంలో సుమారు 4,300 కిలోమీటర్ల (2,700 మైళ్ళు) పొడవున విస్తరించి ఉంది చిలీ. అలాగే.. సగటున 180 కిలోమీటర్ల (110 మైళ్ళు) వెడల్పుతో ఉంటుంది. ఈ భూమ్మీద మరే దేశం కూడా ఇంతపొడవుగాలేదు. చిలీ పొడవు గురించి మరింత ఆశ్చర్యకరంగా చెప్పుకోవచ్చు. ఆ దేశం పక్కన యూరప్ ఖండంలోని దేశాలను ఒకదాని వెంట ఒకటి పేర్చుకుంటూపోతే.. ఏకంగా 12 దేశాలు పడతాయి! అయితే.. చిలీ ఇంత పొడవుగా ఉండటానికి కొన్ని భౌగోళిక పరిస్థితులు, మరికొన్ని చారిత్రక పరిస్థితులు కూడా కారణమని నిపుణులు చెబుతున్నారు.
భౌగోళిక పరిస్థితులు :
చిలీ దేశానికి పశ్చిమ దిశలో ప్రపంచంలోనే అత్యంత పెద్దదైన పసిఫిక్ మహాసముద్రం ఉంది. చిలీ సముద్ర తీరప్రాంతం ఎంతో తెలుసా? ఏకంగా 4,300 కిలోమీటర్లు (2,700 మైళ్ళు). అంతేకాదు.. తూర్పు వైపున ఆండీస్ పర్వత శ్రేణులున్నాయి. నాజ్కా టెక్టోనిక్ ప్లేట్ దక్షిణ అమెరికాను తాకడం వల్ల ఆండిస్ పర్వతాలు ఏర్పడ్డాయని అంటారు. అటు పసిఫిక్ మహా సముద్రం, ఇటు ఆండీస్ పర్వతాలు.. ఇవి రెండూ చిలీ దేశాన్నిపొడవుగా ఉంచడానికి భౌగోళిక కారణమయ్యాయని నిపుణులు చెబుతారు.
26గంటలు, 825 గోల్స్- ఫుట్బాల్ మ్యాచ్ రికార్డు- గిన్నిస్ బుక్లోనూ చోటు
చారిత్రక కారణాలు :
భౌగోళిక పరిస్థితులతోపాటు చారిత్రక కారణాలు కూడా చిలీని పొడవైన దేశంగా ఉంచాయని చరిత్రకారుల అభిప్రాయం. 16వ శతాబ్దంలో స్పానిష్ వారు చిలీని జయించినప్పుడు, ఆ ప్రాంతం మొత్తాన్ని ఒకే రాష్ట్రంగా పాలించారు. ఆ సమయంలో చిలీ మొత్తం ఒకే చట్టం, ఒకే కరెన్సీ, ఒకే భాషను అమలయ్యేలా చేశారు. ఇవన్నీ దేశం విడిపోకుండా చూశాయని చరిత్రకారులు చెబుతున్నారు.