Side Effects of Consumption High Sugar :సాధారణంగా మనం తీపి పదార్థాలను తిన్నప్పుడు.. అది మన మెదడులో రసాయన ప్రతిచర్యను ప్రేరేపిస్తుంది. ఫలితంగా డోపమైన్, సెరోటోనిన్ వంటి కొన్ని న్యూరోట్రాన్స్మిటర్స్ మెదడు రివార్డు సిస్టమ్లో విడుదలవుతాయి. ఇవి రెండు మనల్ని సంతోషంగా, రిలాక్స్గా ఉండేలా దోహదపడతాయి. చక్కెర మితంగా ఉన్నప్పుడు మాత్రమే ఇది జరుగుతుంది. కానీ.. పరిమితికి మించి తీసుకుంటే మాత్రం అది హార్మోన్లలో అసమతుల్యతకు దారి తీస్తుందంటున్నారు ఆరోగ్య నిపుణులు. దీని కారణంగా.. మెదడుపై తీవ్ర ప్రబావం పడుతుందని చెబుతున్నారు నిపుణులు. అధిక చక్కెర వినియోగం నిద్రలేమికి సైతం దారితీస్తుందంటున్నారు. బాడీ చక్కెరను జీర్ణం చేసినప్పుడు కార్టిసాల్ అనే హార్మోన్ రిలీజ్ అవుతుంది. ఇది నిద్రలేమి సమస్యను పెంచుతుందట.
అధిక చక్కెర వినియోగం మానసిక ఆరోగ్యాన్ని తీవ్రంగా ప్రభావితం చేస్తుందని చెబుతున్నారు ఆరోగ్యనిపుణులు. హై-షుగర్ పదార్థాలకు - డిప్రెషన్కు సంబంధం ఉందని అనేక అధ్యయనాలు చెబుతున్నాయి. 2017లో "Depression-Anxiety" అనే జర్నల్లో ప్రచురించిన ఒక అధ్యయనం ప్రకారం.. చక్కెర పానీయాలు ఎక్కువగా తాగే వ్యక్తులలో డిప్రెషన్ ప్రమాదం 23% ఎక్కువగా ఉందని కనుగొన్నారు.
షుగర్ తినకపోతే - మీ శరీరంలో ఏం జరుగుతుంది?
చక్కెర వల్ల కలిగే హానిని తెలుసుకోవడానికి డాక్టర్ "నికోల్ అవెనా" ఎలుకలపై పరిశోధనలు నిర్వహించారు. రీసెర్చ్లో భాగంగా ఎలుకలకు నీళ్లు ఇవ్వకుండా షుగర్ వాటర్ ఇచ్చారు.ఆ తర్వాత పరిశీలిస్తే.. వాటి బ్రెయిన్పై ఒత్తిడి పెరిగిందని.. ఎలుకలు నీటిని ఎక్కువగా తాగడం ప్రారంభించాయని చెప్పారు. కొన్ని రోజుల తర్వాత వాటికి సాధారణ నీరు ఇస్తే.. ఒత్తిడి కనిపించలేదని డాక్టర్ నికోల్ చెప్పారు.