వెన్నునొప్పి ఇబ్బంది పెడుతోందా? ఇంట్లోనే చేసుకునే ఈ 5 ఎక్సర్‌సైజ్‌లతో బిగ్​ రిలీఫ్! - Exercises For Back And Spinal Cord

Exercises For Back And Spinal Cord : దృఢమైన శరీరం కోసం రోగాల బారిన పడకుండా ఉండటం కోసం వ్యాయామం తప్పనిసరి. ముఖ్యంగా వెన్నునొప్పి రాకుండా ఉండాలంటే తప్పకుండా చేయాల్సిన కొన్ని వ్యాయామాల గురించి ఇప్పుడు మనం తెలుసుకుందాం.

Exercises For Back And Spinal Cord : ప్రతి రోజూ క్రమం తప్పకుండా వ్యాయామాలు చేయడం వల్ల ముందుగా మన వెన్నుముక బలపడుతుంది. యాక్టివ్‌గా ఉంటూ రోజూ వ్యాయామం చేస్తుండటం వల్ల పూర్తి శరీరం స్ట్రాంగ్‌గా ఉండి సమస్యలు రాకుండా ఉంటుంది. కండరాలు మంచి షేప్‌లో ఉండటానికి కూడా ఎక్సర్ సైజ్ చాలా హెల్ప్ అవుతుంది. చాలామంది ఎక్కువ శాతం ఎక్సర్‌సైజ్‌ చేయడానికి బద్ధకిస్తారు. చేయకపోతే పోయేదేముంది అనుకుంటూ ముఖ్యమైన వెన్ను భాగాన్ని దెబ్బతినేలా చేసుకుంటున్నారు. చిన్న చిన్న సమస్యలు వచ్చాక, వెన్నుముక ఆరోగ్యం సడెన్‌గా గుర్తుకొచ్చి జిమ్‌లు, ఫిట్‌నెస్ క్లబ్‌లు అంటూ బోలెడు డబ్బులు ఖర్చు చేస్తుంటారు. అసలు డబ్బు ఖర్చే లేకుండా, ఎక్కడికీ వెళ్లాల్సిన అవసరం లేకుండా ఇంట్లోనే ఉండి మీ వెన్ను భాగాన్ని బలపరుచుకుని, భవిష్యత్​లోనూ వెన్నునొప్పి అనేది లేకుండా చేసుకోవాలంటే, ఇంట్లోనే ఉండి ఈ ఐదు ఎక్సర్‌సైజ్​లు చేసుకోండి.

డెడ్‌లిఫ్ట్స్
డెడ్‌లిఫ్ట్స్ అనేవి శరీరంలోని అన్ని భాగాల కదలికలను మెరుగుపరచడంలో కీలకంగా వ్యవహరిస్తాయి. ముఖ్యంగా ఎక్కువ సేపు కూర్చొని పని చేసే వారు ఎదుర్కొనే వెన్నునొప్పి సమస్య రాకుండా వెనుక భాగాన్ని బలంగా ఉంచుకోవాలంటే డెడ్‌లిఫ్ట్స్ చేయడం తప్పనిసరి.

పుష్-అప్ హోల్డ్
ఇదొక డిఫరెంట్ టైప్ పుష్-అప్స్. కానీ, శరీరంలోని అన్ని భాగాలపై ఇది ప్రభావం చూపిస్తుంది. ముఖ్యంగా వెనుక భాగం, భుజాలు, మోచేతులు, పొట్ట భాగంలో కండరాలను ఈ వ్యాయామం బలపరుస్తుంది. మీ శరీరం మంచి షేప్​లో ఉండాలంటే పుష్-అప్స్ చాలా మెరుగైన పని.

ప్లాంక్స్
ఇంట్లోనే ఉండి చేసుకునే ఎక్సర్‌సైజ్‌లలో ప్లాంక్స్ చాలా మంచి వర్కౌట్​గా చెబుతుంటారు ఫిట్​నెస్ ప్రియులు. ఎటువంటి పరికరం లేకుండా శరీరపు వెనుక భాగాన్ని దృఢంగా చేసి, శరీర భంగిమను చక్కదిద్దే శక్తి ఈ ఎక్సర్​సైజ్​కు ఉంది.

ఫార్వార్డ్ పుల్ విత్ వెయిట్
ఈ ఎక్సర్‌సైజ్‌ పూర్తిగా మీ వెన్ను భాగం కోసమే. ముందుగా మీ వెన్ను పై భాగాన్ని బలపరిచి, ఆ తర్వాత వెనుక భాగంలో కింది వరకూ దృఢంగా చేస్తుంది. శరీర భంగిమను చక్కదిద్ది, మంచి షేప్​లో ఉంచేందుకు సహకరిస్తుంది.

పుల్ అప్స్
మీరు ప్రతి రోజూ చేసే వర్కౌట్లలో చాలా మెరుగైన వర్కౌట్ ఈ పుల్ అప్స్. ఇది శరీరంలోని అన్ని భాగాల కండరాలను దృఢపరిచి, శరీర భంగిమను చక్కదిద్దుతుంది. కండరాలను మంచి షేప్‌లోకి తీసుకొచ్చి చక్కటి రూపాన్ని మీ సొంతం చేస్తుంది.

ప్రతి రోజూ ఉదయాన్నే, కుదరకపోతే సాయంత్రం పూట కాస్త వీలు చేసుకుని శరీరాన్ని కాస్త శ్రమపెడితే, అది మనల్ని ఆరోగ్యంగా, ఎటువంటి ఇబ్బందులు కలగకుండా చూసుకుంటుంది. ముఖ్యంగా ఎక్కువ సేపు కూర్చుని పని చేసే వారు తప్పకుండా వీటిని చేయడం వల్ల వెన్నుముక సమస్యలకు దూరంగా ఉండచ్చు.

ముఖ్య గమనిక :ఈ వెబ్​సైట్​లో మీకు అందించిన ఆరోగ్య సమాచారం, వైద్య చిట్కాలు, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.