Rakul Jacky Marriage : బాలీవుడ్ క్యూట్ కపుల్ రకుల్ ప్రీత్ సింగ్, జాకీ భగ్నానీ పెళ్లి అంగరంగ వైభవంగా జరుగుతోంది. గోవాలో జరుగుతున్న ఈ వేడుకకు ఇప్పటికే పలువురు సినీ ప్రముఖులు, సన్నిహితులు హాజరయ్యారు. రెండు రకాల పద్ధతుల్లో ఈ జంట వివాహం జరగనుంది. ఈ నేపథ్యంలో నేడు (ఫిబ్రవరీ 21)న ఈ జంట తొలుత సిక్కుల సంప్రదాయం ప్రకారం ఆనంద్ కారజ్ అనే పద్ధతిలో వివాహం చేసుకున్నారట. ఆ తర్వాత సింధీ ఆచారాల ప్రకారం వివాహం చేసుకోనున్నారని సమాచారం. ఇప్పటికే వివాహ వేడుకకు సంబంధించిన లేటెస్ట్ ఫొటోలు నెట్టింట తెగ ట్రెండ్ అవుతున్నాయి. ఈ వేడుకుకు ఆదిత్య రాయ్ కపూర్, అనన్య పాండే, టైగర్ ష్రాఫ్, అక్షయ్ కుమార్, షాహిద్ కపూర్ దంపతులు, భూమి పెడ్నేకర్, ఈషా డియోల్, సోనమ్ కపూర్ వంటి పలువురు బాలీవుడ్ ప్రముఖులు హాజరయ్యారని సమాచారం.
సంగీత్లో బాలీవుడ్ కపుల్స్ డ్యాన్స్
Rakul Jacky Prewedding Celebrations : ఇప్పటికే వీరి ప్రీ వెడ్డింగ్ వేడుకలు కూడా చాలా గ్రాండ్గా జరిగాయి. పెళ్లికి వచ్చిన అతిథులు తాజాగా జరిగిన సంగీత్లో సందడి చేశారు. బాలీవుడ్ కపుల్స్ వరుణ్‌ ధావన్‌ నటాషా, శిల్పాశెట్టి- రాజ్‌ కుంద్రా ఇలా పలువురు స్టార్స్ సంగీత్లో పాల్గొని స్టెప్పులేశారు. ఇక హల్దీ, మెహందీ వేడుకలు కూడా బాగా జరిగాయి. గతంలో ఈ జంట తమ ఫ్రెండ్స్కు గ్రాండ్ బ్యాచిలరేట్ పార్టీ కూడా ఇచ్చారు. దీంతో పాటు ఈ జంట వెడ్డింగ్ కార్డ్ కూడా సోషల్ మీడియాలో తెగ ట్రెండ్ అయ్యింది. అబ్ దోనో భాగ్నా - నీ ( ఇక ఇద్దరు ఎక్కడికి పరిగెట్టద్దు అని అర్థం, దీంతో పాటు జాకీ భాగ్నానీ సర్ నేమ్ను కూడా ఇందులో మెన్షన్ అయ్యింది) అనే హ్యాష్ ట్యాగ్ను ప్రింట్ చేశారు. సరికొత్తగా ఉన్న ఈ హ్యాష్ట్యాగ్ నెటిజన్ల దృష్టిని ఆకర్షించింది.