Upcoming Movies :జనవరి అంతా బాక్సాఫీస్ వద్ద సంక్రాంతి సినిమాలదే హవా కొనసాగింది. ఇక సంక్రాంతి సీజన్ దాదాపు ఈ సీజన్ ముగిసినట్లే. దీంతో అందరి దృష్టి వేసవి సీజన్ వైపు మళ్లుతుంది. మళ్లీ చెప్పుకోదగ్గ సినిమాలు విడుదలయ్యేది అప్పుడే. అయితే బాక్సాఫీస్ దగ్గర హడావుడి లేని సమయాల్లోనే కొంతమంది రావాలన్న టార్గెట్‌తో సిద్ధమవుతుంటారు. ఈ క్రమంలోనే ఫిబ్రవరి, మార్చి నెలల్లో బాక్సాఫీస్ వద్ద సందడి చేసేందుకు వస్తున్నారు. మరి వాళ్లెవరంటే?
- ఈ లిస్ట్లో ముందుగా రానున్నది అక్కినేని నాగచైతన్య. చందూ మోండేటి తెరకెక్కించిన 'తండేల్' ఫిబ్రవరి 7న ప్రేక్షకుల ముందుకు రానుంది. సాయి పల్లవి హీరోయిన్గా నటించింది. గీతా ఆర్ట్స్ బ్యానర్పై అల్లు అరవింద్ నిర్మించారు.
- ఫిబ్రవరి రెండో వారం 14 వాలెంటైన్స్ డే టార్గెట్ చేసుకొని మరికొన్ని సినిమాలు రానున్నాయి. యంగ్ హీరో విష్వక్సేన్ లీడ్ రోల్లో నటించిన సినిమా 'లైలా' ఫిబ్రవరి రిలీజ్ కానుంది. రామ్‌ నారాయణ్‌ ఈ చిత్రానికి దర్శకుడు. ఈ సినిమాలో లేడీ గెటప్లో కనిపించనున్నారు.
- రీసెంట్గా 'క' సినిమాతో హిట్ అందుకున్న కిరణ్ అబ్బవరం 'దిల్రుబా'తో మరోసారి ప్రేక్షకుల ముందుకు రానున్నారు. విశ్వకరుణ్‌ దర్శకత్వం వహించారు. బ్రహ్మానందం, తనయుడు రాజా గౌతమ్‌ ప్రధాన పాత్రధారులుగా నటించిన 'బ్రహ్మా ఆనందం' కూడా ఫిబ్రవరి 14నే విడుదలవుతోంది. ఈ చిత్రానికి ఆర్‌.వి.ఎస్‌.నిఖిల్‌ దర్శకుడు.
- సందీప్‌కిషన్‌ - త్రినాథరావు నక్కిన కాంబోలో తెరకెక్కిన 'మజాకా' ఫిబ్రవరి 21న రిలీజ్ కానుంది. ఆది పినిశెట్టి నటించిన ద్విభాషా చిత్రం 'శబ్దం' ఫిబ్రవరి 28న విడుదల కానుంది. బెల్లంకొండ సాయిశ్రీనివాస్, నారా రోహిత్, మంచు మనోజ్‌ నటించిన 'భైరవం' మహాశివరాత్రి సందర్భంగానే రానుంది.
- మార్చి ఆఖరు నుంచి ఈసారి వేసవి సినిమాలు షురూ అవుతున్నాయి. హీరో నితిన్‌, వెంకీ కుడుముల కాంబోలో రూపొందిన 'రాబిన్‌హుడ్‌' మార్చి 28న ప్రేక్షకుల ముందుకు రానుంది. మార్చి 29న 'మ్యాడ్‌ స్క్వేర్‌' విడుదల కానుంది.
- అజిత్‌ కథానాయకుడిగా నటించిన ‘పట్టుదల’ ఫిబ్రవరి 6న విడుదలవుతోంది. మలయాళం స్టార్ మోహన్‌లాల్‌ నటించిన 'ఎల్‌2ఈ' మార్చి 27న, అదే రోజున విక్రమ్‌ 'వీర ధీర శూరన్‌' విడుదలవుతోంది.