This Week OTT Releases :వీకెండ్లో ఎండలు కారణంగా బయటకు వెళ్లని వారి కోసం ఎప్పటిలాగే ఇంటికి వచ్చి మరీ వినోదాన్ని అందించేందుకు పలు ఓటీటీ సినిమాలు వచ్చేశాయి. మరి ఇంతకీ ఈ వారం ఏ ఓటీటీ వేదికగా ఏ సినిమాలు, సిరీస్లు వస్తున్నాయో చూసేద్దాం.
- వెన్నెల కిశోర్‌ ప్రధాన పాత్రలో నటించిన సినిమా చారి 111. టీజీ కీర్తికుమార్‌ తెరకెక్కించారు. సంయుక్త విశ్వనాథన్‌ హీరోయిన్‌. మార్చి 1న విడుదలైన ఈ చిత్రం అమెజాన్‌ ప్రైమ్ వీడియో వేదికగా స్ట్రీమింగ్ అవుతోంది.
- 2022లో మలయాళంలో సూపర్ హిట్గా నిలిచిన క్రైమ్ థ్రిల్లర్‌ ఇని ఉత్తరం తెలుగు ప్రేక్షకులను అలరించడానికి ప్రముఖ తెలుగు ఓటీటీ వేదిక ఈటీవీ విన్‌లో అదృశ్యం పేరుతో స్ట్రీమింగ్ అవుతోంది. అపర్ణ బాలమురళి ప్రధాన పాత్రను పోషించింది. సుదీశ్‌ రామచంద్రన్‌ తెరకెక్కించారు.
- అనన్య నాగళ్ల ప్రధాన పాత్రలో నటించిన హారర్ థ్రిల్లర్‌ తంత్ర(tantra movie ott). దర్శకుడు శ్రీనివాస్‌ గోపిశెట్టి తెరకెక్కించారు. సలోని, ధనుష్‌ రఘుముద్రి, వంశీ తదితరులు ఇతర కీలక పాత్రల్లో నటించారు. ఆహాలో ఇది స్ట్రీమింగ్ అవుతోంది.
- నరేశ్‌ అగస్త్య, అభినవ్‌, అవసరాల శ్రీనివాస్‌ కీలక పాత్రల్లో తెరకెక్కిన చిత్రం కిస్మత్‌. శ్రీనాథ్‌ బాదినేని దర్శకుడు క్రైమ్ కామెడీ బ్యాక్డ్రాప్లో తెరకెక్కిందీ చిత్రం. అమెజాన్‌ ప్రైమ్ వీడియోలో స్ట్రీమింగ్ అవుతోంది.
- షాహిద్‌ కపూర్‌, కృతి సనన్‌ జంటగా నటించిన ప్రేమ కథా చిత్రం తేరీ బాతో మే ఐసా ఉల్జా జియా. అమిత్‌ జోషి దర్శకుడు. ఈ మూవీ ఇప్పుడు అమెజాన్‌ ప్రైమ్ వీడియోలో స్ట్రీమింగ్ అవుతోంది.
ఓటీటీ వేదికగా స్ట్రీమింగ్ అయ్యే మరికొన్ని చిత్రాలు
జీ5లో
లా వస్తే (హిందీ)
ఫర్రే (హిందీ)
ఆహా
మిషన్‌ చాప్టర్‌-1: (తమిళ్‌)
అమెజాన్‌ ప్రైమ్లో
హౌ టు డేట్‌ బిల్లీ వ్లాష్‌ (ఇంగ్లీష్‌)
జుని (కన్నడ)
మ్యూజికా (ఇంగ్లీష్‌)
యహ్‌ మేరీ ఫ్యామిలీ (హిందీ) ప్రైమ్
డిస్నీ+హాట్‌స్టార్‌
హనుమాన్(తెలుగుతో పాటు ఇతర భాషల్లో)
విష్‌ (ఇంగ్లీష్‌)