Shruti Hassan Ex boyfriend Santanu Hazarika Break UP :శ్రుతిహాసన్ తన రెండో బాయ్ఫ్రెడ్ శాంతను హజారికతో బ్రేకప్ చేసుకుందని రెండు మూడు రోజులుగా వార్తలు వస్తున్న సంగతి తెలిసిందే. గత కొన్నేళ్లుగా అతడితో రిలేషన్షిప్లో ఉన్న ఆమె రీసెంట్గా గుడ్ బై చెప్పేసిందని సోషల్ మీడియా కోడైకూస్తోంది. సమంత - నాగ చైతన్యల లాగే వీళ్లిద్దరూ కూడా ఇన్‌స్టాగ్రామ్‌లో ఒకరినొకరు అన్ ఫాలో చేసుకున్నారు. అయితే ప్రియుడితో విడిపోవడంపై శ్రుతి ఇప్పటివరకూ ఎటువంటి కామెంట్ చేయకపోవడం గమనార్హం. కానీ ఈ విషయంపై శాంతను మాత్రం స్పందించాడు. "క్షమించాలి. నేను ఆ విషయం గురించి మాట్లాడాలనుకోవడం లేదు" అని ఓ ఇంటర్వ్యూలో చెప్పుకొచ్చాడట.
గతంలో శ్రుతి, శాంతను వారి ప్రేమను ఎక్స్‌ప్రెస్ చేయడానికి ఎప్పుడూ మొహమాటపడలేదు. పబ్లిక్‌గానే ఎంజాయ్ చేస్తూ రిలేషన్‌షిప్ను హ్యాపీగా సెలబ్రేట్ చేసుకునేది. వారి క్లోజ్‌నెస్ చూసి, ఈ సంవత్సరం ఆరంభంలో శ్రుతి - శాంతనుకు వివాహం కూడా జరిగిపోయిందంటూ రూమర్లు వచ్చాయి. వాటిపై స్పందించిన శ్రుతి - "మేం పెళ్లి చేసుకోలేదు. నా గురించి ప్రతి విషయాన్ని బాహాటంగానే చెప్పాలనుకునే నేను, ఈ విషయాన్ని ఎందుకు దాచిపెడతాను. వాస్తవం తెలియని వాళ్లు ఇలాంటి పుకార్లు పుట్టిచండం మానేసి మూసుకుని కూర్చోండి" అంటూ అప్పుడు ఘాటుగానే రిప్లై ఇచ్చింది. మరి ఏమైందో తెలియదు కానీ రీసెంట్గా శ్రుతి తన ఇన్‌స్టాగ్రామ్ అకౌంట్‌లో శాంతను ఉన్న పోస్టులన్నింటినీ డిలీట్ చేసేసింది. అంతేకాకుండా తాను పోస్టు చేసిన చివరి పోస్టులో "నా గురించి నేను తెలుసుకోవడానికి, మనుషుల గురించి అర్థం చేసుకోవడానికి నేను చేస్తున్న కొత్త ప్రయాణం" అని ఇన్ స్టాలో పోస్టు పెట్టింది. దీంతో అన్నింటిపై స్పందించే శ్రుతి ఈ సారి స్పందించకపోవడంపై అందరూ ఆశ్చర్యం వ్యక్తం చేస్తున్నారు. ఒకవేళ ఈ బ్రేకప్ గురించి చెబితే కారణం కూడా చెప్పాల్సి ఉంటుందేమోనని, అందుకే ప్రస్తుతాని సైలెంట్‌గా ఉండి ఉండొచ్చని అంతా అనుకుంటున్నారు. కానీ తర్వాత అయినా ఆమె కచ్చితంగా రీజన్ చెబుతుందని అంతా అంటున్నారు. కాగా, వారిద్దరి మధ్య పర్సనల్ విబేధాలు రావడంతో ఎవరి దారి వాళ్లు చూసుకున్నారని గాసిప్స్ చక్కర్లు కొడుతున్నాయి.