Ormax Media Top Stars List : ప్రముఖ మీడియా సంస్థ ఆర్మాక్స్ (Ormax) తాజాగా విడుదల చేసిన మోస్ట్ పాపులర్ సెలబ్రిటీల జాబితాలో టాలీవుడ్ స్టార్ల పేర్లు మార్మోగిపోయాయి. డిసెంబర్ 2024లోకు సంబంధించిన టాప్ నటీనటుల జాబితాను ఆర్మాక్స్ ఆదివారం వెల్లడించింది. ఇందులో హీరో లిస్ట్లో రెబల్ స్టార్ ప్రభాస్ మరోసారి టాప్ ప్లేస్లో నిలిచారు. అటు హీరోయిన్లలో సమంత మళ్లీ సత్తా చాటారు. మోస్ట్ పాపులర్ హీరోయిన్ల జాబితాలో సామ్ ఫస్ట్ ప్లేస్ దక్కించుకున్నారు.
హీరోల జాబితాలో ప్రభాస్ పలుమార్లు టాప్ పొజిషన్ దక్కించుకున్న అతి తక్కువ మందిలో ఒకరిగా నిలిచారు. ప్రభాస్ తర్వాత 'పుష్ప 2'తో ఇండియన్ బాక్సాఫీస్ షేక్ చేసిన ఐకాన్ స్టార్ అల్లు అర్జున్ రెండో స్థానంలో ఉన్నారు. ఇక టాలీవుడ్ నుంచి జూనియర్ ఎన్టీఆర్ ఐదో ప్లేస్ దక్కించుకోగా, మహేశ్ బాబు 7వ, రామ్చరణ్ 8వ ప్లేస్ల్లో ఉన్నారు.
Ormax Stars India Loves: Most popular male film stars in India (Dec 2024) #OrmaxSIL pic.twitter.com/Tniww2cO7Z
— Ormax Media (@OrmaxMedia) January 19, 2025
ఆర్మాక్స్‌లో టాప్ 10లో నిలిచిన హీరోలు :
1. ప్రభాస్
2. అల్లు అర్జున్
3. విజయ్
4. షారుక్ ఖాన్
5. జూనియర్ ఎన్టీఆర్
6. అజిత్ కుమార్
7. మహేశ్ బాబు
8. రామ్చరణ్
9. సల్మాన్ ఖాన్
10. అక్షయ్ కుమార్
ఇదిలా ఉండగా, మోస్ట్ పాపులర్ హీరోయిన్ల జాబితాలో అక్టోబర్, నవంబర్లో టాప్లో ఉన్న సామ్, ఈ సారి కూడా ఫస్ట్ ప్లేస్లోనే కంటిన్యూ అయ్యారు. దీంతో వరుసగా మూడు నెలల పాటు ఈ టాప్ స్టార్స్ లిస్ట్లో టాప్ వన్‌లో ఉన్న సెలబ్రిటీగా రికార్డుకెక్కారు. సమంత తర్వాతి స్థానం ఇటీవల 'జిగ్రా'తో అభిమానులను పలకరించిన ఆలియా భట్ సొంతం చేసుకున్నారు. ఇక టాప్- 3లో దీపికా పదుకొణె ఉండగా, రీసెంట్గా శ్రీవల్లిగా థియేటర్లలో సందడి చేసిన రష్మిక మంధన్నా నాలుగో ప్లేస్లో నిలిచారు. టాలీవుడ్ యంగ్ బ్యూటీ శ్రీలీలకు కూడా ఈ జాబితాలో చోటు దక్కడం విశేషం.
Ormax Stars India Loves: Most popular female film stars in India (Dec 2024) #OrmaxSIL pic.twitter.com/cRd7Jb4WsI
— Ormax Media (@OrmaxMedia) January 19, 2025
ఆర్మాక్స్‌లో టాప్ 10లో నిలిచిన హీరోయిన్లు :
1. సమంత
2. అలియా భట్
3. దీపికా పదుకొణె
4. రష్మికా మంధన్నా
5. సాయి పల్లవి
6. త్రిష
7. నయనతార
8. కాజల్ అగర్వాల్
9. శ్రీలీల
10. శ్రద్ధా కపూర్
