Mohan Lal AMMA President :జస్టిస్‌ హేమ కమిటీ రిపోర్ట్ చర్చనీయాంశమైన నేపథ్యంలో అసోసియేషన్ ఆఫ్‌ మలయాళం మూవీ ఆర్టిస్ట్స్‌ (AMAA) అధ్యక్ష పదవికి నటుడు మోహన్లాల్ రాజీనామా చేశారు. ఈ క్రమంలో ఆయనే మళ్లీ 'అమ్మ' ప్రెసిడెంట్గా బాధ్యతలు స్వకరించనున్నారని జోరుగా ప్రచారం సాగుతోంది.
అయితే ఈ వార్తలను ఆయన తిప్పికొట్టారు. అందులో ఎలాంటి నిజం లేదని క్లారిటీ ఇచ్చారు. ఈ క్రమంలోనే ఆ అసోసియేషన్కు ఆఫీస్ బాయ్గా కూడా పని చేయడం తనకు ఇష్టం లేదని షాకింగ్ కామెంట్స్ చేశారు. హేమ కమిటీ రిపోర్ట్లో బయటపడ్డ విషయాలు చూసే తాను షాక్కు గురయ్యానని చెప్పారు.
'మేము ఒక్కసారిగా అసోసియేషన్కు సంబంధించిన పదవుల బాధ్యతల నుంచి తప్పుకోవడానికి కారణాలు చెప్పాలని చాలా మంది అడుతున్నారు. దానికి జవాబు చెప్పాల్సిన బాధ్యత సినిమా ఇండస్ట్రీదే. ఆ నివేదికలో ఎన్నో షాకింగ్ విషయాలు బయటపడ్డాయి. రిపోర్ట్లో వెలుగులోకి వచ్చిన విషయాల పట్ల ప్రతిఒక్కరూ 'అమ్మ' నే ప్రశ్నించారు' అని ఆయన పేర్కొన్నారు.
ఏంటీ ఈ హేమా కమిటీ రిపోర్ట్?
మాలీవుడ్ ఇండస్ట్రీలో మహిళల స్థితిగతులపై జస్టిస్‌ హేమ కమిటీ కొన్నేళ్లపాటు శ్రమించి ఓ స్ట్రాంగ్ నివేదికను రూపొందించింది. ఈ ఏడాది ఆగస్టులో అది వెలువడింది. అందులో పలు షాకింగ్ విషయాలు బయటకి వచ్చాయి. ఆ సినీ పరిశ్రమలో మహిళలు ఎదుర్కొంటున్న సమస్యలు, వర్కింగ్‌ కండిషన్లు, రెమ్యూనరేషన్‌, సాంకేతిక రంగంలో మహిళల భాగస్వామ్యం తదితర అంశాలను రీసెర్చ్ చేసిన హేమా కమిటీ, కాస్టింగ్‌ కౌచ్ నుంచి వివక్ష వరకు మాలీవుడ్లో మహిళలు పడుతున్న అనేక ఇబ్బందుల గురించి అందులో పేర్కొంది.
దీంతో అప్పట్లో ఈ కమిటీ రూపొందించిన నివేదిక మాలీవుడ్లో తీవ్ర దుమారం రేపింది. మహిళా నటులు ఒక్కొక్కరుగా బయటకు వచ్చి తమకు ఇండస్ట్రీలో ఎదురైన సమస్యలు బయటపెట్టారు. ఈ నేపథ్యంలో అప్పటి అమ్మ అధ్యక్షుడు మోహన్లాల్ ఆ పదవికి రాజీనామా చేశారు. ఆయనతో పాటు 17 మంది సభ్యులు కూడా పదవుల నుంచి వైదొలిగారు.
హేమ కమిటీ రిపోర్ట్ ఎఫెక్ట్‌ - మోహన్లాల్ సహా 17 మంది 'అమ్మ'కు రాజీనామా - Mohanlal AMMA Resignation
మాలీవుడ్ను నాశనం చేయొద్దు- వారికి శిక్ష తప్పదు: మోహన్ లాల్ - Mohanlal
