Saba Nayagan OTT Release Date : ప్రేక్షకులను అలరించేందుకు ప్రతి వారం ఓటీటీలోకి సరి కొత్త సినిమాలు, వెబ్సిరీస్లు వస్తూనే ఉంటాయి. ఇప్పటికే ఎన్నో రకాల జానర్ చిత్రాలు స్ట్రీమింగ్ అవుతున్నాయి. అయితే కొద్ది రోజుల్లో రానున్న ప్రేమికుల దినోత్సవం(వాలంటైన్స్ డే) సందర్భంగా సరికొత్త సూపర్ హిట్ రొమాంటిక్ డ్రామాను ఓటీటీలో రిలీజ్ చేయబోతున్నారు మేకర్స్.
వివరాల్లోకి వెళితే. 'భద్రమ్', 'మన్మధ లీల', 'పోర్ తొళిల్', 'పిజ్జా 2' సినిమాల ఫేమ్ యంగ్ హీరో అశోక్ సెల్వన్ నుంచి రాబోతున్న కొత్త చిత్రం 'సబా నాయగన్'(Ashok Selvan Saba Nayagan). గతేడాది డిసెంబర్ విడుదలైన ఈ చిత్రం మంచి హిట్ను అందుకుంది. ఈ రొమాంటిక్ డ్రామాలో మేఘా ఆకాష్, కార్తీక మురళీధరన్తో పాటు కలర్ ఫొటో ఫేమ్ చాందినీ చౌదరి హీరోయిన్స్గా నటించారు. సినిమాలో మైల్ సామి, మైఖేల్ తంగదురై, అరుణ్ కుమార్, జైశీలన్ శివరామ్, ఉడమలై రవి, ఇతర కీలక పాత్రల్లో నటించారు. అయితే ఇప్పుడీ చిత్రాన్ని ఫిబ్రవరి 14 వాలంటైన్స్ డే సందర్భంగా ఓటీటీలో రిలీజ్ చేయనున్నారు. ప్రముఖ ఓటీటీ సంస్థ డిస్నీ ప్లస్ హాట్ స్టార్‌లో ఈ చిత్రం స్ట్రీమింగ్ కానుంది. ఈ విషయాన్ని అఫీషియల్గా అనౌన్స్ చేశారు. ఇకపోతే ఈ చిత్రానికి సీఎస్ కార్తికేయ దర్శకత్వం వహించారు. లియోన్ జేమ్స్ మ్యూజిక్ అందించారు. క్లియర్ వాటర్ ఫిల్మ్స్, మెగా ఎంటర్టైన్‌మెంట్స్ సంయుక్తంగా కలిసి సినిమాను నిర్మించాయి.