ఈ టీవీ ఆర్టిస్ట్​ ఓ మిలియనీర్- బాలీవుడ్ హీరోల హీరోలనే మించిపోయాడుగా!

Richest TV Actor In India: భారతీయ టెలివిజన్ రంగం గత 20 ఏళ్లలో చాలా అభివృద్ధి చెందింది. ఇప్పుడు టీవీ నటులు కూడా స్టార్ హీరోలతో పోటీపడుతూ సంపాదిస్తున్నారు. వీరిలో కొందరు టీవీ నటులు బీ టౌన్​లో స్ధిరపడ్డారు. ఈ రోజుల్లో టాప్ టీవీ నటీనటులు ఒక్కో ఎపిసోడ్‌కి లక్షల్లో రెమ్యూనరేషన్ తీసుకుంటున్నారు. టీవీ నటుల్లో అత్యధిక ధనవంతుడైన ఒకనటుడి నెట్​వర్త్​ రూ. 300కోట్లు. ప్రతి ఎపిసోడ్​కు భారీ మొత్తాన్ని వసూలు చేస్తాడు. అంతేకాదు ఫేమస్ బ్రాండ్స్​లకు అంబాసిడర్​గా కూడా వ్యవహారిస్తున్నాడు. కేవలం టెలివిజన్​లోనే కాదు సినిమాల్లోనూ ప్రతిభావంతుడైన నటుడిగా రాణించాడు.

Richest TV Actor In India:కపిల్ శర్మ బాలీవుడ్​లో మోస్ట్ పాపులర్ కామెడియన్లలో ఒకరు. ఈయన పాపులారిటీ గురించి ప్రత్యేకంగా చెప్పక్కర్లేదు. కామెడీ విత్ నైట్స్ విత్ కపిల్ శర్మ స్టార్ కమెడియన్​గా మారాడు. బీ టౌన్​లో ఏ స్టార్ హీరో సినిమా విడుదలైనా కపిల్ షోకి వచ్చి ప్రమోట్ చేసుకుంటారంటే ఆయన ఏ రేంజ్​లో సక్సెస్ అయ్యారో ఇట్టే అర్థమవుతుంది. అయితే కపిల్ శర్మ ఆస్తుల గురించి తెలుస్తే మీరు షాక్ అవుతారు. బాలీవుడ్ బడా హీరోలను మించిన ఆస్తులు ఆయన సొంతం.

ప్రస్తుతం భారత్​లో ఏ భాషలోనైనా టీవీ షోలకు అత్యంత ఆదరణ లభిస్తోంది. అత్యంత జనాదరణ పొందిన భారతీయ టీవీ షోలలో ఒకటైన తారక్ మెహతా కా ఊల్తా చష్మా ముఖ్యాంశాలుగా ఉన్న దిలీప్ జోషి ఒక్కో ఎపిసోడ్‌కు దాదాపు రూ. 1.5 లక్షలు సంపాదిస్తారు. ఓ జాతీయ సంస్థ నివేదిక ప్రకారం అతడి నెట్​వర్త్​ రూ.43 కోట్లు. ఇక మరో టీవీ నటుడు కరణ్ కుంద్రా నెట్​వర్త్ రూ.91 కోట్లుగా ఉంది. అయితే ఈ ఇద్దరూ అత్యంత ధనిక టీవీ నటులు కాదు. కపిల్​ శర్మ భారత్​లో అత్యంత రిచెస్ట్ టెలివిజన్ ఆర్టిస్ట్​ అని మీకు తెలుసా?

కపిల్ శర్మ ప్రస్తుతం భారతదేశంలో అత్యంత ధనిక టీవీ ఆర్టిస్ట్. అతడు 'ది గ్రేట్ ఇండియన్ లాఫ్టర్ ఛాలెంజ్ '(2007) తో ఫేమస్ అయ్యాడు. అప్పటి నుండి హాస్యనటుడిగా, హోస్ట్‌గా రాణిస్తున్నాడు. అంతే కాదు, 'కిస్ కిస్కో ప్యార్ కరూన్' , 'ఫిరంగి', 'జ్విగాటో' వంటి సినిమాల్లో కూడా నటించాడు. 2013లో కపిల్ శర్మ తన సొంత నిర్మాణ సంస్థ K9 ప్రొడక్షన్స్‌న్​తోపాటు 'కపిల్‌ కామెడీ నైట్స్' నిర్మించాడు .కపిల్ శర్మ ప్రతి ఎపిసోడ్‌కు దాదాపు రూ.50 లక్షలు సంపాదిస్తాడు. కొన్నేళ్లుగా చిత్రసిమలో హాస్యనటుడిగా, నటుడిగా, హోస్ట్​గా తనకంటూ ఓ క్రేజ్ సంపాదించుకున్న కపిల్ శర్మ దాదాపు రూ.300 కోట్ల రూపాయల ఆస్తులను కలిగి ఉన్నాడు.

విలాసవంతమైన గృహాలు, అనేక రియల్ ఎస్టేట్ పెట్టుబడులు, స్వాంకీ రైడ్‌లు, ఖరీదైన మణికట్టు క్యాండీలు ఇవన్నీ కపిల్ సొంతం. 42 ఏళ్ల కపిల్ శర్మకు ముంబైలోని అంధేరిలో రూ.15 కోట్లకు పైగా విలువైన అపార్ట్‌మెంట్‌ ఉంది. పంజాబ్‌లోని చండీగఢ్ శివార్లలో విశాలమైన ఫామ్‌హౌస్‌తో కూడా ఉంది. వీటి కోసం రూ.25 కోట్లను వెచ్చించాడట. ఇవేకాదు ఖరీదైన వాహనాలు కూడా ఉన్నాయి. అతని గ్యారేజీలో వోల్వో XC90, మెర్సిడెస్ బెంజ్ ఎస్350, రేంజ్ రోవర్ ఎవోక్ ఉన్నాయి. కపిల్ శర్మకు DC రూపొందించిన వానిటీ వ్యాన్ కూడా ఉంది. దీని ధర దాదాపు రూ. 5.5 కోట్లని పలు నివేదికలు చెబుతున్నాయి.