Pushpa 2 Making Video : ఇండియన్ బాక్సాఫీస్ను షేక్ చేస్తున్న 'పుష్ప 2' సినిమా మేకర్స్ బన్నీ ఫ్యాన్స్కు సర్ప్రైజ్ ఇచ్చారు. సినిమా షూటింగ్ సమయంలో 'బిహైండ్ ది కెమెరా' సన్నివేశాల వీడియో ఒకటి రిలీజ్ చేశారు. సినిమాలో వాడిన భారీ సెట్టింగ్లు, హీరో- డైరెక్టర్ ఫన్నీ మూమెంట్స్ ఇన్నీ ఇందులో ఉన్నాయి. ఈ మేకింగ్ వీడియో కూడా యూట్యూబ్లో ట్రెండింగ్లో దూసుకుపోతోంది. మరి మీరు ఈ వీడియో చూశారా?
కాగా, కొన్ని అదనపు సన్నివేశాలతో కూడిన రీ లోడెడ్ వెర్షన్ తీసుకువస్తున్నట్లు రీసెంట్గా మేకర్స్ ప్రకటించారు. జనవరి 11నుంచి మరికొన్ని సీన్లు యాడ్ చేయనున్నట్లు చెప్పారు. అయితే ఈ వెర్షన్ ప్రస్తుతానికి వాయిదా పడింది. సంబంధిత కంటెంట్‌ విషయంలో టెక్నికల్ కారణాల వల్ల ఆలస్యమవుతోందని తెలిపింది. ఈ మేరకు సోషల్‌ మీడియాలో పోస్ట్ షేర్ చేశారు.
ఈ నెల 17 నుంచి కొత్త సన్నివేశాలతో కూడిన సినిమాని చూడొచ్చని పేర్కొంది. ప్రస్తుతం థియేటర్లలో ప్రదర్శితమవుతున్న చిత్రానికి అదనంగా 20 నిమిషాలు యాడ్ కానుంది. దీంతో సినిమా రన్టైమ్ మొత్తం 3 గంటల 40 నిమిషాలు దాటిపోతుంది. అంటే ఇంటర్వెల్‌తో కలిపి ప్రేక్షకులు దాదాపు 4 గంటల పాటు 'పుష్ప' ప్రపంచంలోనే ఉంటారన్న మాట.