Prabhas Upcoming Movies : 'కల్కి 2898 AD' తర్వాత రెబల్ స్టార్ ప్రభాస్ ఫుల్గా బిజీ అయిపోయారు. 'రాజాసాబ్'తో పాటు 'సలార్ 2'ని లైనప్లో పెట్టిన ఆయన, వీటితో పాటు మరికొన్ని బడా ప్రాజెక్టుల్లో నటించే పనిలో ఉన్నారట. అయితే ఈ లిస్ట్లోకి ఇప్పుడు ఓ రెండు సాలిడ్ మూవీస్ రానున్నట్లు సినీ వర్గాల్లో పెద్ద చర్చలు జరుగుతోంగి. రానున్న ఏడాది కల్లా లోకేశ్ కనగరాజ్, ప్రశాంత్ వర్మ లాంటి యంగ్ అండ్ టాప్ డైరెక్టర్లతో సినిమాలు చేసేందుకు ప్రభాస్ ఆలోచిస్తున్నారట. ఒకవేళ ప్రభాస్ ఈ సినిమాలకు గ్రీన్ సిగ్నల్ ఇస్తే, ఇక లోకేశ్ కనగరాజ్ సినిమాటిక్ యూనివర్స్ (LCU), ప్రశాంత్ వర్మ సినిమాటిక్ యూనివర్స్ (PVCU)లలో ఆయన అడుగుపెట్టేసినట్లే అని అభిమానులు ఆనందం వ్యక్తం చేస్తున్నారు.
అయితే ప్రస్తుతం లోకేశ్ కనగరాజ్ సూపర్స్టార్ రజనీకాంత్తో 'కూలీ' అనే సినిమాను తెరకెక్కిస్తున్నారు. ఇది పూర్తి అయిన వెంటనే కార్తీతో 'ఖైదీ 2' మొదలుపెడతారట. దాంతోపాటు అసలు LCU: చాప్టర్ 0 అనే షార్ట్ ఫిల్మ్‌ను కూడా చిత్రీకరించే పనిలో ఉన్నారట ఆయన. అందులో అసలు ఆ యూనివర్స్ ఎలా మొదలైందనే మూల కథను చిత్రీకరించబోతున్నారని సమాచారం.
ఇక ప్రశాంత్ వర్మ విషయానికొస్తే, హిందూ పురాణాల ఆధారంగా సూపర్ హీరో సినిమాటిక్ యూనివర్స్‌కు 'హనుమాన్' అనే సినిమాతో శ్రీకారం చుట్టారు. తేజా సజ్జాతో రూపొందించిన ఈ సినిమాకు సీక్వెల్ ఉంటుందని, దాని టైటిల్‌ను 'జై హనుమాన్' అని కూడా అనౌన్స్ చేశారు. ఈ సినిమాకు సంబంధించి మేకర్స్ నుంచి రిషబ్ శెట్టి హనుమాన్ పాత్రలో కనిపిస్తూ ఫస్ట్ లుక్ కూడా రిలీజ్ అయింది. వీటితో పాటుగా 'అధిరా', 'మహా కాళి' అనే సినిమాలు కూడా PVCU నుంచి రానున్నాయి. ఈ రెండు సినిమాటిక్ యూనివర్స్‌లలోనూ భారీ చిత్రాలనే రూపొందిస్తుండగా, ప్రభాస్‌తో ఎలాంటి సినిమా వస్తుందనేది వేచి చూడాలి మరి.