Daku Maharaj Collections : నందమూరి నటసింహం బాలకృష్ణ 'డాకు మహారాజ్'తో థియేటర్లలో సందడి చేస్తున్నారు. సంక్రాంతి కానుకగా జనవరి 12న రిలీజైన ఈ సినిమా భారీ విజయం దక్కించుకుంది. ఈ క్రమంలోనే బాక్సాఫీస్ వద్ద డాకు మహారాజ్ కాసుల వర్షం కురిపిస్తోంది. ఇప్పటికే భారీ స్థాయిలో వసూళ్లు అందుకున్న ఈ సినిమా, తాజాగా మరో మైలురాయి సాధించింది.
ఎనిమిది రోజుల్లోనే ఈ సినిమా వరల్డ్వైడ్గా రూ.150 కోట్ల గ్రాస్ వసూల్ చేసింది. ఇప్పటివరకూ రూ.156 కోట్లు సాధించినట్లు మేకర్స్ అధికారికంగా ప్రకటించారు. ఈ మేరకు మేకర్స్ ఓ పోస్టర్ రిలీజ్ చేశారు. అటు ఓవర్సీస్లోనూ బాలయ్య హవా కొనసాగుతోంది. ఇప్పటికే నార్త్ అమెరికాలో ఈ సినిమా 1.5 మిలియన్ డాలర్ల మార్క్ అందుకుంది. ఇక లాంగ్ రన్లో ఈ చిత్రం రూ.200 కోట్ల మార్క్ అందుకుంటుందని ట్రేడ్ వర్గాలు అంచనా వేస్తున్నాయి.
The KING OF SANKRANTHI roars louder with every passing day 🪓🔥#DaakuMaharaaj storms past 𝟏𝟓𝟔+ 𝐂𝐫𝐨𝐫𝐞𝐬 Gross Worldwide in 8 DAYS 💥
— Sithara Entertainments (@SitharaEnts) January 20, 2025
Celebrate the unstoppable reign of 𝑮𝑶𝑫 𝑶𝑭 𝑴𝑨𝑺𝑺𝑬𝑺 #NandamuriBalakrishna in cinemas near you ❤️🔥… pic.twitter.com/hHvfs5Ac28
ఇక సినిమా విషయానికొస్తే, ఫుల్ మాస్ యాక్షన్ ఎంటర్టైనర్గా డైరెక్టర్ బాబీ కొల్లి దీన్ని తెరకెక్కించారు. ఇందులో ప్రగ్యా జైస్వాల్, శ్రద్ధ శ్రీనాథ్, ఊర్వశీ రౌతేలా కీలక పాత్రల్లో నటించారు. బాలీవుడ్ స్టార్ నటుడు బాబీ దేఓల్ కీలక పాత్రలో కనిపించారు. ఎస్ఎస్ తమన్ సంగీతం అందించారు. సితార ఎంటర్టైన్మెంట్ బ్యానర్పై నిర్మాత నాగవంశీ ఈ సినిమా నిర్మించారు.
