Prabhas Top Hashtags:పాన్ఇండియా స్టార్ ప్రభాస్ కెరీర్లో రికార్డులు, ఘనతలకు ఎలాంటి కొదవలేదు. టాలీవుడ్ హీరో నుంచి గ్లోబల్ స్టార్గా ఎదిగిన ఆయన ప్రస్తుతం పాన్వరల్డ్ సినిమాలు చేస్తున్నారు. కెరీర్లో బాక్సాఫీస్ వద్ద వరుసగా ఐదుసార్లు రూ. 300+ కోట్ల వసూళ్లు సాధించి చరిత్ర సృష్టించారు. ఇక తాజాగా ఆయన మరో అరుదైన ఘనత దక్కించుకున్నారు. ట్విట్టర్లో హాష్ట్యాగ్స్ ఆఫ్ ఇండియా టాప్-10 (Top 10 Most Used Hashtags)లిస్ట్లో చోటు దక్కించుకున్న ఏకైక భారతీయ సినీ హీరోగా నిలిచారు.
అయితే ఎంటర్టైన్మెంట్ విభాగంలో ట్విట్టర్లో ఎక్కువగా యూజ్ చేసిన హాష్ట్యాగ్ లిస్ట్ను ట్విట్టర్ఇండియా (@twitterindia) రిలీజ్ చేసింది. ఈ లిస్ట్లో స్థానం దక్కించుకున్న ఏకైక హీరోగా ప్రభాస్ నిలిచారు. ఈ లిస్ట్లో ప్రభాస్కు ఏడో ప్లేస్ దక్కింది. దీంతో డార్లింగ్ ఫ్యాన్స్ 'ప్రభాస్ క్రేజ్ అట్లుంటది' అంటూ కామెంట్స్ చేస్తున్నారు. ఇక న్యూ ప్రొఫైల్పిక్ (#newprofilepic), క్రిప్టో (#crypto) ఈ జాబితాలో టాప్ రెండు స్థానాల్లో ఉన్నాయి.
ప్రభాస్- నాగ్ అశ్విన్ కల్కి సినిమాతో బిజీగా ఉన్నారు. ఈ సినిమా షూటింగ్ ముగింపు దశలో ఉంది. ప్రస్తుతం కల్కి టీమ్ ఇటలీలో చివరి దశ షూటింగ్ పనులు జరుపుకుంటుంది. ఈ క్రమంలో హీరో ప్రభాస్, నటి దిశా పటానీ తదితరులు ఇటలీ వెళ్లారు. ఇక ఈ సినిమా కథ మహాభారతం కాలం నుంచి మొదలై, 2898తో పూర్తవుతుందని డైరెక్టర్ అశ్విన్ రీసెంట్గా ఓ ఇంటర్వ్యూలో చెప్పారు. ఈ మూవీలో దాదాపు 6వేల సంవత్సరాల మధ్య జరిగే కథను స్క్రీన్పై చూపించనున్నట్లు అశ్విన్ చెప్పారు.