VD 12 Teaser : రౌడీ హీరో విజయ్ దేవరకొండ- దర్శకుడు గౌతమ్‌ తిన్ననూరి కాంబోలో తెరకెక్కున్న సినిమా 'VD 12'. ఈ మూవీ షూటింగ్ చివరి దశకు చేరుకుంది. మార్చి 30న గ్రాండ్గా రిలీజ్ కానుంది. ఈ నేపథ్యంలో మేకర్స్ బుధవారం టైటిల్ అనౌన్స్మెంట్తో పాటు టీజర్ కూడా రిలీజ్ చేశారు. దీనికి 'కింగ్డమ్' అనే టైటిల్ ఖరారు చేసినట్లు మేకర్స్ పోస్టర్ విడుదల చేశారు.
అయితే తెలుగు, హిందీ, తమిళ భాషల్లో ఈ చిత్రాన్ని తెరకెక్కించారు. ఈ క్రమంలో మ్యాన్ ఆఫ్ మాసెస్ జూనియర్ ఎన్టీఆర్ ఈ సినిమా తెలుగు వెర్షన్ టీజర్కు వాయిస్ ఓవర్ ఇచ్చారు. ఇక హిందీలో రణ్బీర్ కపూర్, తమిళంలో సూర్య బ్యాక్గ్రౌండ్ వాయిస్ ఇచ్చారు. 1.56 నిమిషం నిడివి ఉన్న టీజర్ ఆద్యంతం ఆకట్టుకుంటుంది. ఎన్టీఆర్ పవర్ఫుల్ వాయిస్తో వీడియో మరింత ఆసక్తిగా మారింది.
కాగా, యంగ్ బ్యూటీ భాగ్య శ్రీ బోర్సే ఈ సినిమాలో హీరోయిన్గా నటిస్తోంది. మ్యూజిక్ సంచలనం అనిరుధ్‌ రవిచంద్రన్ సంగీతం అందిస్తున్నారు. సితార ఎంటర్‌టైన్‌మెంట్‌, ఫార్య్టూన్ ఫోర్ బ్యానర్లపై నాగవంశీ, సాయి సౌజన్య సంయుక్తంగా ఈ సినిమాను నిర్మిస్తున్నారు. ఈ ఏడాది మార్చి 30న విడుదలకానున్ననేపథ్యంలో మేకర్స్ త్వరలోనే ప్రమోషన్స్ షురూ చేయనున్నారు.
