Pawan Kalyan Vakeel Saab Rerelease :ఇండస్ట్రీలో ప్రస్తుతం రీ రిలీజ్ల ట్రెండ్ కొనసాగుతున్న సంగతి తెలిసిందే. ఎన్ని కొత్త సినిమాలు బాక్సాఫీస్ ముందు విడుదల అవుతున్నాయో అలానే ఓల్డ్ ఈజ్ గోల్డ్ అంటూ పాత చిత్రాలు కూడా రిలీజ్లు అవుతున్నాయి. ప్రేక్షకులు కూడా చూసేందుకు అంతే ఆస‌క్తి చూపుతున్నారు. త‌మ అభిమాన హీరో వింటేజ్ లుక్, యాక్టింగ్‌ను మ‌రోసారి తెర‌పై చూసేందుకు ఎగ‌బ‌డుతున్నారు. ఇప్పటికే చాలా చిత్రాలు రీ రిలీజ్ అయ్యాయి. తాజాగా మరో సినిమా మళ్లీ విడుదల అయ్యేందుకు సిద్ధమైంది. అదే పవన్ కల్యాణ్ వకీల్ సాబ్.
పవన్ రీఎంట్రీలో నటించిన తొలి సినిమా ఇది. 2021, ఏప్రిల్ 9న విడుదలైన ఈ చిత్రంలో పవన్ లాయ‌ర్గా న‌టించి ఆకట్టుకున్నారు. ఇది బాక్సాఫీస్ వద్ద బ్లాక్ బస్టర్గా నిలిచింది. వెంక‌టేశ్వ‌ర్ క్రియేష‌న్స్ బ్యాన‌ర్ పై దిల్ రాజు నిర్మించారు. అనన్య నాగళ్ల, అంజలి నివేద థామస్, శ్రుతిహాసన్ ఇతర పాత్రల్లో నటించారు. ఇప్పుడీ చిత్రం. మే 1న రీ రిలీజ్ కానుంది. ఈ విషయాన్ని మూవీటీమ్ అఫీషియల్గా అనౌన్స్మెంట్ చేసింది. పవన్ కల్యాణ్ అద్భుతమైన యాక్టంగ్ను, ఆయన స్వాగ్‌ను మ‌రోసారి థియేట‌ర్లలో సెల‌బ్రేట్ చేద్దాం అంటూ రాసుకొచ్చింది.
కాగా, ఈ వకీల్ సాబ్ చిత్రం హిందీ 'పింక్' చిత్రానికి రీమేక్. మ‌న నేటివిటీకి త‌గ్గ‌ట్లుగా కొన్ని సీన్లు మార్చి వేణు శ్రీరామ్ తెరకెక్కించారు. తమన్ సంగీతం అందించారు. సినిమాలో కోర్టు సీన్లు చాలా అద్భుతంగా వచ్చాయి. పవన్ చెబుతున్న డైలాగ్లకు థియేట‌ర్లు ద‌ద్ద‌రిల్లి పోయాయి.