Om Bheem Bush Collections :ఓం భీం బుష్ - ప్రస్తుతం బాక్సాఫీస్ ముందు ఈ పేరే వినిపిస్తోంది. మార్చి 22న రిలీజైన ఈ చిత్రం ప్రేక్షకులను థియేటర్లకు బాగా రప్పిస్తోంది. తొలి షోతోనే మంచి టాక్ తెచ్చుకుని రోజురోజుకు రెస్పాన్స్ పెంచుకుంటూ ముందుకెళ్తోంది. దీంతో సామజవరగమన తర్వాత శ్రీవిష్ణుకు మరో హిట్ వరుసగా ఖాతాలో పడినట్టైంది. ఇందులో శ్రీవిష్ణుతో పాటు రాహుల్ రామకృష్ణ, ప్రియదర్శి కూడా ప్రధాన పాత్రల్లో నటించారు. కామెడీ హారర్ థ్రిల్లర్గా వచ్చిన ఈ చిత్రాన్ని హుషారు, రౌడీ బాయ్స్ చిత్రాల ఫైమ్ శ్రీ హర్ష కొనుగంటి తెరకెక్కించారు.
మొదట ఈ సినిమా నుంచి విడుదలైన పోస్టర్, టీజర్, ట్రైలర్ కామెడీతో కడుపుబ్బా నవ్వించ్చాయి. ఇప్పుడు రిలీజైన సినిమా కూడా అంతే జోష్తో తెగ నవ్విస్తోంది. ఫలితంగా ప్రేక్షకులు థియేటర్లకు తరలివస్తున్నారు. సినిమాకు బాక్సాఫీస్ వద్ద బాగానే పైసల వర్షం కురుస్తోందట. పెట్టిన బడ్జెట్కు లాభాలు వచ్చే దిశగా సాగుతూ పోతోంది.
ఈ చిత్రానికి తొలి రెండు రోజుల్లో ప్రపంచవ్యాప్తంగా రూ. 10.44 కోట్లకు పైగా గ్రాస్ వసూళ్లు వచ్చాయి. తొలిరోజు 4.6 కోట్లు రాగా రెండో రోజు 5.84 కోట్లు వసూళ్లు వచ్చినట్లు తెలిసింది. USAలోనూ మంచి వసూళ్లు వస్తున్నాయట. ఇక మూడో రోజు వీకెండ్ సండే కావడంతో మరింత వసూళ్లు వచ్చినట్లు మూవీటీమ్ చెబుతోంది. బయట అందిన సమాచారం ప్రకారం మూడో రోడు మరో రెండు మూడు కోట్ల వరకు వచ్చాయట. డే3 సెన్సేషనల్ అంటూ మూవీటీమ్ వీడియోను కూడా పోస్ట్ చేసింది. బుకింగ్స్ జోరుగా జరుగుతున్నాయంటూ చెప్పుకొచ్చింది.