NTR Devara Movie Records : పాన్ ఇండియా స్టార్ ఎన్టీఆర్ హీరోగా స్టార్ డైరెక్టర్ కొరటాల శివ దర్శకత్వంలో తెరకెక్కుతున్న చిత్రం 'దేవర'. సెప్టెంబరు 27న గ్రాండ్గా రిలీజ్ కానున్న ఈ చిత్రంపై ప్రేక్షకుల్లో భారీ అంచనాలే ఉన్నాయి. ఇప్పటికే దేవర నుంచి విడుదలైన పాటలు, టీజర్, ట్రైలర్లు కొత్త రికార్డులను క్రియేట్ చేస్తున్నాయి. ముఖ్యంగా ట్రైలర్ అంచనాలను మరింత పెంచేసింది. ఇందులో తారక్ లుక్, యాక్షన్, డైలాగ్స్ అన్నీ ఫ్యాన్స్కు తెగ నచ్చేశాయి. అయితే తాజాగా అందుతున్న సమాచారం ప్రకారం మూవీటీమ్ మరో ట్రైలర్ను విడుదల చేయనున్నట్లు తెలిసింది.
అయితే ఈ సారి విడుదల చేయనున్న ట్రైలర్ కేవలం ఎన్టీఆర్ ఫ్యాన్స్కే కాదు అందరికీ నచ్చేలా మరింత పవర్ ఫుల్గా ఉండేలా ప్లాన్ చేస్తున్నారట మేకర్స్. సెప్టెంబరు 22న హైదరాబాద్లో జరగనున్న దేవర ప్రీ రిలీజ్ ఈవెంట్లో ఈ రెండో ట్రైలర్ను విడుదల చేయనున్నట్లు సమాచారం. త్వరలోనే ఈ విషయాన్ని అఫీషియల్గా విడుదల చేయనున్నట్లు తెలుస్తోంది.
ట్రైలర్ విడుదల కాకముందే రికార్డు -దేవర చిత్రం ట్రైలర్ విడుదలకు ముందే అమెరికాలో రికార్డు సృష్టించింది. నార్త్ అమెరికాలో అత్యంత వేగంగా టికెట్ల ప్రీసేల్ ద్వారా 1మిలియన్ డాలర్లకు చేరిన తొలి భారతీయ చిత్రంగా అరుదైన రికార్డును దక్కించుకుంది. తాజా సమాచారం ప్రకారం విడుదల ఇంకా 10రోజులు ఉండగానే అంటే ఇప్పుడు ఏకంగా 1.75 మిలియన్ డాలర్ల మార్క్ను కూడా టచ్ చేసేసింది దేవర.
టాప్ 25లో నాలుగు స్థానాలు దేవరనే -దేవర చిత్రం ప్రమోషన్లలో భాగంగా విడుదలైన పాటలు ప్రస్తుతం యూట్యూబ్లో హల్ చల్ చేస్తున్నాయి. ట్రెండింగ్ టాప్ 25 జాబితాలో నాలుగు స్ఠానాలను దక్కించుకున్నాయి ఈ దేవర సాంగ్స్. ఇందులో దావూదీ (తెలుగు) పాట మొదటి స్థానంలో ఉండగా, దావూదీ(హిందీ) పాట 7వ స్ఠానం కైవసం చేసుకుంది. ఇక చుట్టమల్లె(తెలుగు) సాంగ్ 18వ స్థానంలో ఉండగా, దావూదీ(తమిళ) పాట 25 స్థానంలో నిలిచాయి. ఇదే చిత్రానికి సంబంధించిన నాలుగు పాటలు ట్రెండింగ్ టాప్లో చోటు దక్కించుకోవడం విశేమనే చెప్పాలి.