NTR Devara Triple Role:గ్లోబల్ స్టార్ జూనియర్ ఎన్టీఆర్ కొత్త సినిమా 'దేవర' గురించి చిన్న విషయమైనా పెద్ద సెన్సేషనల్ అవుతోంది. పాన్ఇండియా రేంజ్లో ఈ సినిమా రెండు భాగాలుగా తెరకెక్కుతోంది. ఈ సినిమాలో ఎన్టీఆర్ డ్యుయల్ రోల్లో నటిస్తున్నాట్లు ప్రచారంలో ఉంది. అయితే ఇప్పుడు ఈ మూవీ గురించి మరో వార్త నెట్టింట వైరల్గా మారింది.
తారక్ ఈ సినిమాలో డ్యుయల్ కాదంట, త్రిపాత్రాభినయంలో కనిపించనున్నారని టాక్ వినిపిస్తోంది. కథ డిమాండ్ మేరకు ఎన్టీఆర్ మూడు పాత్రలు చేస్తున్నారని అంటున్నారు. అయితే గ్సింప్స్ రిలీజ్ అయ్యాక దేవరలో ఎన్టీఆర్ తండ్రీ- కుమారుడి పాత్రలో (డ్యయల్) నటిస్తున్నారని టాక్ వినిపించింది. రీసెంట్గా రిలీజ్ డేట్ పోస్టర్ వచ్చేసరికి సినిమాలో ఎన్టీఆర్ది ట్రిపుల్ రోల్ అని అంటున్నారు.
ఇప్పటిదాకా ఈ మూవీ నుంచి రిలీజైన పోస్టర్లలో లుంగీలో ఉన్నది తండ్రి పాత్ర అని, జీన్స్ లుక్తో పడవలో ఉన్నది కుమారుడి రోల్ అని అనుకున్నారు. తాజా పోస్టర్ ఆ రెండు లుక్స్ కంటే డిఫరెంట్గా ఉంది. దీంతో ఈ సినిమాలో మూడు పాత్రలు ఉండవచ్చని నెటిజన్లు ఫిక్స్ అవుతున్నారు. అయితే ఈ విషయంపై మేకర్స్ నుంచి ఎలాంటి అఫీషియల్ అనౌన్స్మెంట్ లేదు. దీనిపై త్వరలోనే ఓ క్లారిటీ వచ్చే ఛాన్స్ ఉంది. అయితే డబుల్, ట్రిపుల్ రోల్స్లో నటించడం ఎన్టీఆర్కు కొత్తేమీ కాదు. ఆయన ఇదివరకు చాలా సినిమాల్లో సక్సెస్ఫుల్గా నటించారు. ఇక 'జై లవకుశ' సినిమాలో త్రిపాత్రాభినయంలో అదరగొట్టేశారు.