Devara Movie Promotions : యంగ్ టైగర్ ఎన్టీఆర్ హీరోగా నటించిన 'దేవర' చిత్రం రిలీజ్ డేట్ దగ్గర పడుతోంది. దీంతో మూవీ టీమ్ కూడా గ్యాప్ లేకుండా ప్రమోషన్స్లో పాల్గొంటోంది. జనతా గ్యారేజ్ తర్వాత కొరటాల శివ - ఎన్టీఆర్ కాంబో రిపీట్ అవ్వడం, జాన్వీ కపూర్ ఈ చిత్రంతో టాలీవుడ్ ఎంట్రీ ఇవ్వడం, విలన్గా సైఫ్ అలీఖాన్ నటించడం, సినిమాలో యాక్షన్, వీఎఫ్ఎక్స్కు పెద్ద పీట వేయడం సహా పలు విషయాలు సినిమాపై భారీగా హైప్ పెంచేశాయి.
మొత్తంగా సినిమాను పాన్ ఇండియా ఆడియెన్స్కు రీచ్ అయ్యేలా దేవర టీమ్ గట్టిగానే ప్లాన్గా ప్రమోషన్స్ చేస్తోంది. ఇందులో భాగంగానే ముంబయిలో గ్రాండ్గా ట్రైలర్ లాంఛ్ ఈవెంట్ చేశారు. తెలుగులోనూ సెప్టెంబర్ 21 లేదా 22న భారీ ప్రీ రిలీజ్ ఈవెంట్ ప్లాన్ చేస్తున్నారట. ఇంకా చెన్నైలో ఓ ఈవెంట్, బెంగళూరులో మరో ఈవెంట్, చివరిగా కొచ్చిలో ఇంకో ఈవెంట్ను ప్లాన్ చేశారట.
Devara Team Sandeep Vanga : మరోవైపు వరుస ఇంటర్వ్యూలో కూడా ఇస్తోంది దేవర టీమ్. ఇందులో భాగంగానే బాలీవుడ్ డైరెక్టర్ కరణ్ జోహార్తో తారక్ చిట్ చాట్ కూడా నిర్వహించారు. ఇక తాజాగా 'యానిమల్‌' దర్శకుడు సందీప్ వంగాతోనూ చిట్‌చాట్‌ నిర్వహించింది దేవర టీమ్. దీనికి సంబంధించిన లేటెస్ట్ ప్రోమో తాజాగా విడుదలైంది. ఇందులో 35 రోజుల పాటు అండర్‌ వాటర్‌ సీక్వెన్స్‌ చేసినట్లు తారక్ మరోసారి చెప్పగా, 'దేవర' టీమ్కు సంబంధించిన ప్రతి ఒక్కరి కెరీర్‌లో బెస్ట్ మూవీ అవుతుందని జాన్వీ కపూర్ చెప్పింది.