Trans woman Navya Singh : ప్రతిష్టాత్మక 'మిస్ యూనివర్స్ ఇండియా 2024' పోటీకి మహారాష్ట్ర నుంచి ట్రాన్స్ ఉమెన్ నవ్య సింగ్ ఎంపికైంది. మొత్తం వంద మంది పోటీపడగా, న్యాయనిర్ణేతలు 11 మందిని ఎంపిక చేశారు. వారిలో నవ్య సింగ్ ఎంపికయ్యారు. మహారాష్ట్ర నుంచి పోటీల్లో పాల్గొంటున్న మెుదటి ట్రాన్స్ మహిళగా నవ్య సింగ్ చరిత్రకు ఎక్కనున్నారు. ఈ నేపథ్యంలో దేశవ్యాప్తంగా ఆమెకు అభినంధనలు వెల్లువెత్తుతున్నాయి.
ఈ సారి జరగబోయే మిస్ యూనివర్స్ ఇండియా పోటీలు ప్రత్యేకత సంతరించుకోనున్నాయి. ఎందుకంటే నవ్యతో పాటుగా మరో ఇద్దురు సైతం ట్రాన్స్ మహిళలు ఈ పోటీలో పాల్గొననున్నారు. చెన్నై, దిల్లీకి చెందిన మరో ఇద్దరు సైతం ఈ పోటీలకు ఎంపికయ్యారు.
'మిస్ యూనివర్స్ ఇండియా 2024' ఫైనల్కు తన ఎంపికపై నవ్య సింగ్ స్పందించారు. "ట్రాన్స్ మహిళలను స్వాగతించే వేధికలో భాగం కావడం నాకే కాదు,అణగారిన వర్గాలకు ఇది గొప్ప ముందడగు. ఇప్పుడు మనం సమ సమాజం వైపు అడుగులు వేస్తున్నాం అనిపిస్తోంది. నా ప్రయాణం ఇతరులకు ఆదర్శం కావాలి. అలాగే వారు అనుకునే మార్గంలో నడవడానికి తోడ్పడాలి. వారు తమ హక్కుల కోసం పోరాడటానికి స్పూర్తిని ఇస్తుంది'' అని నవ్య సింగ్ తెలిపారు.
సుస్మితా సేన్ నుంచి ప్రేరణ
ఈ సందర్భంగా సుస్మితా సేన్ తనకు ప్రేరణ అని నవ్య సింగ్ తెలిపారు. 30 సంవత్సరాల క్రితం (1994)లో సుస్మితా సేన్ మిస్ యూనివర్స్గా గెలిచారు. 'సుస్మితా సేన్ ఎప్పుడూ నాకు స్ఫూర్తి. నేను ఆమె పోటీని చూశాను. ఆమె ప్రయాణాన్ని దగ్గరగా చూశాను. ప్రస్తుతం నాకు కూడా కాస్త భయంగా ఉంది. అయితే ఈరోజు అత్యున్నతమైన స్థానంలో ఉన్న సుస్మిత తన సవాళ్లను అధిగమించగలిగితే, నేనూ అలానే అధిగమించగలను. ఈ విషయాన్ని నేను రోజూ గుర్తు చేసుకుంటాను. అని నవ్య సింగ్ వెల్లడించారు.
నవ్య సింగ్ బిహార్లోని కతిహార్‌లో జన్మించింది. ఆమె టీనేజ్లో ఉన్నప్పుడు లింగ వివక్షతను ఎదుర్కొన్నారు. దీంతో అక్కడి నుంచి 2011లో ముంబయికి వెళ్లారు. శస్త్ర చికిత్స చేయించుకుని ట్రాన్స్ మహిళగా మారారు. 2016 నుంచి ఫ్యాషన్ ప్రపంచంలోకి అడుగుపెట్టారు. అలా లాక్మే ఫ్యాషన్ వీక్‌లో పాల్గొన్న మొదటి ట్రాన్స్ ఉమెన్‌గా చరిత్ర సృష్టించారు.
చీదరించిన చోటే ఆదరణ - ట్రాన్స్‌జెండర్ల జీవితాలపై యూట్యూబ్‌ ఛానల్‌ - TRANSGENDER SNEHA YOUTUBE CHANNEL
'విజయ్‌ దేవరకొండ మీరే మా దేవుడు' - స్టేజ్పై ట్రాన్స్జెండర్ కంటతడి - Transgender Thanks to Devarakonda
