నవీన్‌ ఈజ్ బ్యాక్ - నవ్వులు పూయిస్తున్న ప్రీ వెడ్డింగ్ వీడియో! - మీరు చూశారా?

ఫుల్ ఎంటర్​టైనింగ్​గా 'అనగనగా ఒక రాజు' ప్రీ వెడ్డింగ్ వీడియో - మీరు చూశారా?

Anaganaga Oka Raju Pre Wedding Video :'మిస్ శెట్టి మిస్టర్ పొలిశెట్టి'తో సక్సెస్ సాధించిన స్టార్ హీరో నవీన్‌ పొలిశెట్టి తాజాగా మరో కొత్త కాన్సెప్ట్​తో ప్రేక్షకులను అలరించేందుకు సిద్ధమవుతున్నారు. 'అనగనగ ఒక రాజు' అనే టైటిల్​తో తెరకెక్కుతోన్న సినిమాలో ఆయన కీ రోల్ ప్లే చేయనున్నారు. ఇప్పటికే విడుదలైన టీజర్, గ్లింప్స్​తో ఆడియెన్స్​లో ఈ సినిమాపై అంచనాలు ఏర్పడ్డాయి. అయితే తాజాగా ప్రీ వెడ్డింగ్ వీడియో అంటూ మేకర్స్ మరో స్పెషల్ గ్లింప్స్​ను విడుదల చేసి అలరించారు.

నవీన్‌ బర్త్​డే సందర్భంగా వచ్చిన ఆ గ్లింప్స్ ఫుల్ ఆన్​ కామెడీ ఎంటర్​టైనర్​గా నెట్టింట సందడి చేస్తోంది. అందులో నవీన్‌ ఎప్పటిలాగే తన మార్క్ కామెడీ పంచ్​లతో అలరించారు. ఇక నటి మీనాక్షి చౌదరి ఈ సినిమాలో నటిస్తున్నట్లు మేకర్స్ రివీల్ చేశారు. గ్లింప్స్​లో కొన్ని సెకెండ్స్​ పాటు ఆమె మెరిసి సందడి చేశారు.

రాజుగారి పెళ్లిలో కాజు కట్లీ కూడా బంగారం రేకుతోనే ఉండాలి అంటూ స్టార్టింగ్​లో రిచ్​గా చూపించారు. ఆ తర్వాత ముకేశ్​ అంబానీకి ఫోన్ చేసి అనంత్ మ్యారేజ్​కు వచ్చిన సెలబ్రిటీల గురించి ఫన్నీగా ఆరా తీస్తుంటారు నవీన్‌. ఆ ఈవెంట్​కు వచ్చిన కొందరు సెలబ్రిటీలను ఇక్కడి సంగీత్ కు తీసుకురమ్మంటూ చెప్తుంటారు. ఆ తర్వాత ప్రీ వెడ్డింగ్ ఫోటో షూట్​లో నవీన్, మీనాక్షి ఫొటోలు తీసుకునే విధానం కూడా ఫన్నీగా ఉంటుంది. అయితే సినిమాకు సంబంధించిన మరిన్ని విషయాలను రివీల్ చేయలేదు మేకర్స్. దీంతో ఈ మూవీపై మూవీ లవర్స్​లో మరింత ఎగ్జైట్​మెంట్ పెరిగిపోతోంది.

ఇక నవీన్‌ కెరీర్ విషయానికి వస్తే, షార్ట్​ ఫిల్మ్స్​ ద్వారా పాపులర్ అయిన ఈ స్టార్ హీరో 'లైఫ్​ ఈజ్ బ్యూటీఫుల్​'తో తెలుగు ప్రేక్షకులకు పరిచయమయ్యారు. ఆ తర్వాత 'ఏజెంట్ సాయి శ్రీనివాస ఆత్రేయ', 'జాతి రత్నాలు' వంటి చిత్రాలతో టాలీవుడ్​లో నటుడిగా మంచి గుర్తింపు పొందారు. ఇటీవలె అనుష్కతో 'మిస్ శెట్టి మిస్టర్ పొలిశెట్టి'లో మెరిసి అభిమానులను అలరించారు. ఇందులోనూ ఆయన కామెడీ టైమింగ్​, స్క్రీన్ ప్రెజెన్స్​కు అభిమానులు ఫిదా అయిపోయారు.