Happy Birthday Nagachaitanya NC24 : అక్కినేని నాగచైతన్య తన ఫ్యాన్స్కు గుడ్ న్యూస్ చెప్పారు. నేడు (నవంబర్ 23) తన పుట్టిన రోజు సందర్భంగా కొత్త సినిమాను ప్రకటించారు. #NC24 పేరుతో ఇది తెరకెక్కనుంది. సుకుమార్‌ రైటింగ్స్ నుంచి ఈ చిత్రం రానుంది. కార్తిక్‌ దండు దర్శకత్వం వహించనున్నారు. పౌరాణిక కథ నేపథ్యంలో ఇది తెరకెక్కనుంది. ఈ విషయాన్ని తెలుపుతూ నిర్మాణ సంస్థ ఓ కొత్త పోస్టర్‌ను కూడా విడుదల చేసింది. విరూపాక్ష, కాంతార సినిమాలకు సంగీతం అందించిన లోకాంత్‌ ఈ కొత్త సినిమాకు సంగీతం అందించనున్నారు.
ఇక పోతే నాగ చైతన్య ప్రస్తుతం 'తండేల్‌' సినిమాలో నటిస్తున్నారు. చందూ మొండేటి దర్శకత్వంలో తెరకెక్కుతోన్న ఈ సినిమాలో సాయి పల్లవి హీరోయిన్గా నటిస్తోంది. దేశభక్తి అంశాలతో నిండిన రా రస్టిక్‌ లవ్ స్టోరీతో ఇది తెరకెక్కుతోంది. నాగ చైతన్య రాజు అనే మత్స్యకారుడిగా కనిపించనున్నారు. సాయి పల్లవి డీగ్లామర్‌ లుక్స్‌లో కనిపించనుంది. ఫిబ్రవరి 7న ఈ చిత్రం రిలీజ్ కానుంది. సినిమాపై అంచనాలు బానే ఉన్నాయి. మరి చాలా కాలంగా ఫ్లాపుల్లో ఉన్న చైతూకు ఈ చిత్రం ఎలాంటి రిజల్ట్ను అందిస్తుందో చూడాలి.