Low Budget OTT Best Malayalam Movies : సినిమాల విషయంలో ప్రేక్షకుల అభిరుచి మారిన సంగతి తెలిసిందే. స్టార్ కాస్ట్, భారీ బడ్జెట్, ఎలివేషన్లు ఎన్ని ఉన్నా కంటెంట్కే ఓటు వేస్తున్నారు. అయితే ఇండియన్ ఫిల్మ్ ఇండస్ట్రీలో లో బడ్జెట్తో కూడిన కంటెంట్ ఉన్న సినిమాలు తీయడంలో మలయాళ చిత్రసీమే ఎప్పుడు ముందుంటుంది. తాజాగా వచ్చిన ప్రేమలు చిత్రమే దీనికి నిదర్శనం. కేవలం రూ.3 కోట్ల బడ్జెట్తో వచ్చిన ఈ చిత్రం తొలి రెండు వారాల్లోనే రూ.50 కోట్లకు పైగా వసూళ్లను సాధించి ఆశ్చర్యపరిచింది. దీంతో పాటు భ్రమయుగం కూడా మంచి టాక్తో పాటు వసూళ్లను సాధించింది. అయితే మలయాళంలో గతంలోనూ పలు చిత్రాలు చాలా తక్కువ బడ్జెట్తో తెరకెక్కి మంచి సక్సెస్ను అందుకున్నాయి. అవేంటో చూద్దాం.
తాజాగా విడుదలైన ప్రేమలు చిత్రంలాగే రొమాంటిక్ కామెడీ అయిన ఈ తన్నీర్ మాతన్ దినంగళ్ చిత్రం 2019లో విడుదలై మంచి సక్సెస్ను సాధించింది. అప్పట్లో రూ.3 కోట్ల బడ్జెట్తో తెరకెక్కిన ఈ సినిమా బాక్సాఫీస్ దగ్గర రూ.45 కోట్లను అందుకుని సెన్సేషనల్ సృష్టించింది. జైసన్ అనే ఓ హైస్కూలు పిల్లాడి చుట్టూ తిరిగే కథతో రూపొందింది.ఇది అమెజాన్ ప్రైమ్లో అందుబాటులో ఉంది.
2015లో వచ్చిన కామెడీ జానర్ ఆది కప్యారె కూటమణి కేవలం రూ.2కోట్ల బడ్జెట్తో రూపొందింది. ఫుల్ రన్ టైమ్లో బాక్సాఫీస్ వద్ద రూ.50కోట్ల వరకు వసూలు చేసింది. ఈ చిత్రంలో థ్రిల్లింగ్ క్లైమ్యాక్స్ హైలైట్ అనే చెప్పాలి. ఇది డిస్నీ హాట్ స్టార్రో స్ట్రీమింగ్ అవుతోంది.
ఇక మలయాళ రొమాంటిక్ మూవీ ప్రేమమ్ గురించి తెలియని వారు ఉండరేమో. పక్కా యూత్ ఫుల్ లవ్ చిత్రంగా రూపొందిన ఈ చిత్రంలో అనుపమ పరమేశ్వరన్, సాయి పల్లవి నటించారు. ఈ సినిమా ద్వారానే ఇండస్ట్రీకి పరిచయమయ్యారు. 2015లో రిలీజైన ఈ సినిమా ఆ ఏడాది అత్యధిక వసూళ్లు సాధించిన మలయాళ చిత్రంగా నిలిచింది. రూ.4 కోట్ల బడ్జెట్తో తెరకెక్కి రూ.60 కోట్ల వరకు వసూలు చేసింది. ఇది కూాడా డిస్నీ హాట్ స్టార్లో అందుబాటులో ఉంది.
2015లో వచ్చిన కామెడీ థ్రిల్లర్ అమర్ అక్బర్ ఆంథోనీ అయితే మంచి సక్సెస్ను సాధించింది. నాదిర్షా డైరెక్ట్ చేశారు. సలార్ ఫేమ్ పృథ్వీరాజ్ సుకుమారన్ హీరోగా నటించారు. రూ.6.7 కోట్ల బడ్జెట్తో తెరకెక్కిన ఈ మలయాళం మూవీ బాక్సాఫీస్ దగ్గర రూ.50 కోట్ల వరకు వసూలు చేసింది. ఇది అమెజాన్ ప్రైమ్లో ఉంది.