Kareena Kapoor Yash Movie : బీటౌన్ బ్యూటీకరీనా కపూర్ ప్రస్తుతం వరుస సినిమాలతో బిజీగా ఉన్నారు. ఇటీవలే 'బకింగ్హామ్ మర్డర్స్' అనే సినిమాలో మెరిసిన బెబో ఇప్పుడు మరో రెండు ప్రాజెక్టులతో బాలీవుడ్లో సందడి చేసేందుకు సిద్ధమవుతున్నారు. అందులో 'క్రూ' ఒకటి. సీనియర్ నటి టబు, పొడుగు కాళ్ల సుందరి కృతి సనన్తో కలిసి కరీనా ఈ సినిమాలో నటించింది. ప్రస్తుతం ఈ సినిమా పోస్ట్ ప్రొడక్షన్ పనుల్లో బిజీగా ఉండగా, మూవీ టీమ్ పలు ఇంటర్వ్యూల్లో మెరుస్తోంది. అయితే ఇందులో భాగంగా కరీనా ఓ టాప్ సీక్రెట్ను రివీల్ చేశారు. ఇది కాస్త ఆమెపై సోషల్ మీడియాలో వస్తున్న రూమర్స్ను బలపరుస్తున్నట్లు తెలుస్తోంది.
గత కొన్ని రోజులుగా యశ్ - సుధా కొంగర కాంబోలో వస్తున్న టాక్సిక్ సినిమాలో కరీనా కపూర్ ఫీమేల్ లీడ్గా కనిపించనున్నారంటూ వార్తలు నెట్టింట ట్రెండ్ అయ్యాయి. అయితే వాటిపై మూవీ టీమ్ స్పందించలేదు. కానీ ఇప్పుడు కరీనా ఓ ఈవెంట్లో తాను త్వరలో ఓ భారీ బడ్జెట్ తో తెరకెక్కనున్న సినిమాలో నటించనున్నట్లు తెలిపింది. అంతే కాకుండా దాని ద్వారా సౌత్లోకి ఎంట్రీ ఇవ్వనున్నట్లు హింట్ ఇచ్చింది.
"నేను త్వరలో ఓ భారీ ప్రాజెక్టుతో దక్షిణాది చిత్రసీమలోకి అడుగుపెట్టబోతున్నాను. అది పాన్‌-ఇండియా ప్రాజెక్ట్. మొదటిసారి ఇలాంటి సినిమాలో నేను పనిచేస్తున్నాను. దీని కోసం ఎదురుచూస్తున్న అభిమానుల ఆసక్తిని నేను అర్థంచేసుకోగలను" అంటూ చెప్పుకొచ్చింది. ఇది విన్న ఫ్యాన్స్ ఈమె కచ్చితంగా యశ్ సినిమా గురించే మాట్లాడుతోందంటూ కామెంట్లు పెడుతున్నారు. 'టాక్సిక్' హీరోయిన్ కరీనానే అంటూ గెస్ చేస్తున్నారు.