Kalki 2898AD Pre Release Event Prabhas Intorvert Video : ప్రభాస్ ఇంట్రోవర్ట్ అని చాలా మంది అంటుంటారన్న సంగతి తెలిసిందే. ఆయన బయట ఈవెంట్లలో మాట్లాడటానికి కాస్త ఆలోచిస్తుంటారు. చాలా సందర్భాల్లో సిగ్గు కూడా పడుతుంటారు. ఆఖరికి తన సినిమా ప్రమోషన్స్లోనూ తక్కువగానే మాట్లాడుతుంటారు. తాజాగా ముంబయిలో జరిగిన ప్రీ రిలీజ్ ఈవెంట్లోనూ ఇది మరోసారి రుజువైంది. ఒక ఇంట్రోవర్ట్ కష్టాలు మరో ఇంట్రోవర్ట్‌కే తెలుస్తాయ్ అన్నట్టుగా ప్రభాస్కు సంబంధించిన వీడియో ఒకటి బయట చక్కర్లు కొడుతోంది.
కల్కి ప్రీ రిలీజ్ ఈవెంట్లో ఓ వైపు లెజెండ్స్ అమితాబ్ బచ్చన్, కమల్ హాసన్ మరోవైపు దీపికా పదుకొణె మధ్యలో ప్రభాస్ కూర్చున్నారు. హీరో రానా హోస్ట్గా వ్యవహరించారు. పైగా రానాకు ముంబయి ఈవెంట్లు అన్నా, ఇంగ్లీష్ మాట్లాడటం అన్నా కొట్టిన పిండి. అందుకే ఎప్పటిలాగే తనదైన స్డైల్లో అమితాబ్, కమల్ హాసన్, ప్రభాస్, దీపిక పదుకొణెను స్టేజ్ మీద కూర్చోబెట్టి ఇంట్రెస్టింగ్ క్వశ్చన్స్ అడిగారు. అయితే ఈ సందర్భంలోనే ఓ ఫన్నీ ఇన్సిడెంట్ జరిగింది.
బిగ్‌బీ అమితాబ్, కమల్, ప్రభాస్, దీపికలకు ఓ కుర్రాడు మైక్ తీసుకొచ్చి ఇచ్చాడు. మొదట ప్రభాస్కే ఇచ్చాడు. దీంతో అప్పటివరకు ఎంతో కూల్‌గా కనిపించిన ప్రభాస్ ఆ కుర్రాడు మైక్ ఇవ్వబోతుంటే 'వీడేంటి మైక్ ఇస్తున్నాడు. మాట్లాడు అంటారేమో' అంటూ చిన్నపాటి ఎక్స్ప్రేషన్తో కనిపించారు. సర్లే ఆ మైక్ను దీపికకు ఇద్దామని అనుకునేలోపు ఆ కుర్రాడు మరో మైక్ను దీపికకు ఇచ్చాడు. దీంతో 'ఈమెకు ఇచ్చేద్దాం. అయ్యో ఆల్‌రెడీ ఇచ్చేశారా' అంటూ కమల్ హాసన్‌కి ఇద్దామని ప్రభాస్ ట్రై చేశారు. కానీ కమల్‌కు కూడా మైక్ ఇచ్చేయడం వల్ల 'సర్లే ఇక ఏదోలా మేనేజ్ చేద్దాం' అన్నట్లుగా ఎక్స్ప్రెషన్ పెట్టారు ప్రభాస్. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది. దీంతో అందరూ పాన్ ఇండియా స్టార్ అయినా నువ్వు సాదాసిదా డార్లింగ్వే, ఇంట్రోవర్ట్వే అంటూ కామెంట్లు చేస్తున్నారు. కాగా, కల్కి సినిమా ప్రపంచవ్యాప్తంగా జూన్ 27న గ్రాండ్గా రిలీజ్ కానుంది. ఇప్పటికే ఓవర్సీస్లో టికెట్లు హాట్కేకుల్లా అమ్ముడుపోతున్నాయి.
స్టేజ్పైనే తెలుగు నిర్మాత పాదాలు తాకిన అమితాబ్!
'ప్రభాస్ వల్లే ఇలా అయ్యాను' : దీపికా పదుకొణె ఫన్నీ కామెంట్స్!
