Devara Screening At Los Angeles :గ్లోబల్ స్టార్ ఎన్టీఆర్ హీరోగా కొరటాల శివ దర్శకత్వంలో తెరకెక్కిన చిత్రం 'దేవర'. భారీ అంచనాల మధ్య ఈ మూవీ సెప్టెంబర్ 27న ప్రపంచవ్యాప్తంగా ప్రేక్షకుల ముందుకురానుంది. తాజాగా దీనికి సంబంధించిన ఓ వార్త అభిమానుల్లో జోష్‌ నింపుతోంది. హాలీవుడ్లో జరగనున్న ఓ ఈవెంట్లో దేవరను ప్రదర్శించనున్నారు. ఈ కార్యక్రమానికి హాజరయ్యేందుకు ఎన్టీఆర్ సోమవారం అమెరికా వెళ్లారు.
అమెరికాకు తారక్!
కాలిఫోర్నియాలోని లాస్ ఏంజెలిస్‌లో జరగనున్న అతిపెద్ద జానర్‌ ఫిల్మ్ ఫెస్టివల్ 'బియాండ్‌ ఫిల్మ్ ఫెస్ట్‌'లో దేవరను ప్రదర్శించనున్నారు. సెప్టెంబర్ 25 - అక్టోబర్‌ 9 వరకు ఈ ఈవెంట్ జరగనుంది. సెప్టెంబర్ 26 సాయంత్రం ఈజిప్టియన్‌ థియేటర్‌లో ఈ సినిమాను హాలీవుడ్ ప్రేక్షకులు, ప్రముఖులు వీక్షించనున్నారు. అందుకే గ్లోబల్ స్టార్ ఎన్టీఆర్ సోమవారం అమెరికాలోని లాస్ ఏంజెలిస్కు బయలుదేరారు. అందుకు సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి.
ప్రీ రిలీజ్ రద్దు
'దేవర' సినిమా ప్రీ రిలీజ్ ఈవెంట్ అనూహ్యంగా రద్దైంది. హైదరాబాద్ నోవాటెల్లో ఆదివారం సాయంత్రం ఈ ఈవెంట్ జరగాల్సి ఉండగా, అంచనాకు మించి అభిమానులు రావడం వల్ల నిర్వాహకులు కార్యక్రమాన్ని రద్దు చేశారు. దీంతో తీవ్ర నిరుత్సాహంతో అభిమానులు వెనుదిరిగారు. అయితే ఈవెంట్ క్యాన్సిల్ అవ్వడం తననెతో బాధించిందని ఎన్టీఆర్ అన్నారు. సెప్టెంబర్ 27న సినిమా చూసి ఫ్మాన్స్ మాత్రం కాలర్ ఎగరేస్తారని ఎన్టీఆర్ పేర్కొన్నారు.
రెండు పార్టులుగా దేవర
కాగా, కొరటాల శివ ఈ సినిమాను రెండు పార్ట్లుగా తెరకెక్కించారు. ఈ సినిమాలో ఎన్టీఆర్ సరసన జాన్వీ కపూర్ హీరోయిన్గా నటిస్తున్నారు. బాలీవుడ్ సీనియర్ నటుడు సైఫ్ అలీ ఖాన్ విలన్గా నటించారు. సీనియర్ నటులు శ్రీకాంత్, శ్రుతి మారాఠే, చైత్ర రాయ్, షైన్ టామ్, మురళీ శర్మ, ప్రకాశ్ రాజ్, రమ్యకృష్ణ తదితరులు సినిమాలో భాగమయ్యారు. అనిరుధ్ రవిచంద్రన్ సంగీతం అందించగా, రత్నవేలు డీఓపీ బాధ్యతలు చూశారు. ఎన్టీఆర్, యువసుధ బ్యానర్లపై ఈ సినిమాను సంయుక్తంగా రూపొందించారు.
ప్రీ రిలీజ్ రద్దు బాధాకరం - కానీ సినిమా చూసి కాలర్ ఎగరేస్తారు! - Devara Pre Release
అచ్చ తెలుగు స్పీచ్తో ఆడియెన్స్ ఫిదా! జాన్వీకి తారక్ ఫ్యాన్స్ పెట్టిన నిక్ నేమ్ ఏంటంటే? - Janhvi Kapoor Devara Pre Release
