Tarzan Hero Ron Ely Died : ప్రముఖ హాలీవుడ్ టీవీ సిరీస్ టార్జాన్, సినీ ప్రేమికులకు తెలిసే ఉంటుంది. ఇక్కడి ఆడియెన్స్ను కూడా బానే ఆకట్టుకుంది. అయితే నేడు (అక్టోబర్ 24) ఈ సిరీస్ హీరో రాన్ ఎలీ కన్నుమూసినట్లు తెలిసింది. టార్జాన్లో తన పాత్రకు పేరు గాంచిన రాన్ ఎలీ 86 సంవత్సరాల వయస్సులో తుదిశ్వాస విడిచారు. ఈ విషయాన్ని ఆయన కుమార్తె కిర్స్టెన్ ఎలీ సోషల్ మీడియా పోస్ట్ ద్వారా తెలిపారు. అయితే ఎప్పుడు, ఎలా చనిపోయారనేది చెప్పలేదు.
ఈ ప్రపంచం ఒక గొప్ప వ్యక్తిని కోల్పోయింది. నేను నా తండ్రిని కోల్పోయాను. ఆయన్ను అందరూ హీరోగా పిలుస్తుంటారు. నటుడిగా, రచయితగా, కోచ్‌గా, గురువుగా, కుటుంబ వ్యక్తిగా, నాయకుడిగా రాణించిన బహుముఖ వ్యక్తి. ఆయన ఎక్కడికి వెళ్తే అక్కడ పవర్ పుల్ పాజిటివ్ వైబ్స్ను క్రియేట్ చేసేవారు. ఆయన ప్రభావం ఇతరులపై ఎప్పుడూ ఉండేది. అలా ప్రభావం చూపే వ్యక్తులను ఆయన్ను తప్ప ఇంకెవరినీ చూడలేదు. మా నాన్నే నా ప్రపంచం. నా రోల్ మోడల్ ఆయనే. ఎంతో ఒదిగి ఉండేవారు. ఓ బలమైన ప్రపంచాన్ని సృష్టించారు. ఆయన ఎంతో బలంగా, తెలివిగా, ఫన్నీగా, సెన్సిటివ్గా ఉండేవారు. ఆయన మరణం మా కుటుంబానికి తీరని లోటు." అని ఆమె రాసుకొచ్చింది.