Nagarjuna About Sobhita Dhulipala : టాలీవుడ్ స్టార్ హీరో నాగార్జున తాజాగా తన కాబోయే కోడలు శోభితా ధూళిపాళ్లపై ప్రశంసల జల్లు కురిపించారు. ఆమె సినీ ప్రయాణం గురించి మాట్లాడూతూ పొగడ్తలతో ముంచెత్తారు. ఈ స్థాయికి చేరుకోవడానికి ఆమె ఎంతో కష్టపడిందని అన్నారు. అన్నపూర్ణ స్టూడియోస్‌లో శోభిత-నాగచైతన్యల పెళ్లి జరగనుండటం తనకు ఎంతో ఆనందంగా ఉందని పేర్కొన్నారు.
"గూఢచారి' సినిమా చూసి శోభితకు కాల్ చేసి అభినందించాను. హైదరాబాద్‌ వచ్చినప్పుడు మా ఇంటికి వచ్చి కలవమని ఇన్వైట్ చేశాను. తన సినీ జర్నీ చాలా ఇన్సైరింగ్గా ఉంటుంది. వైజాగ్‌ నుంచి వచ్చి ఇండస్ట్రీలో ప్రత్యేక స్థానాన్ని సొంతం చేసుకుంది. ఈ స్థానానికి రావడానికి తను ఎంతో కష్టపడింది. శోభిత ఓ గొప్ప నటి. ఉన్నతమైన ఆలోచనలు కలిగిన వ్యక్తి. శోభిత-నాగచైతన్యలను చూస్తే నాకు ఎంతో ఆనందంగా ఉంది" అంటూ శోభితను పొగడ్తలతో ముంచెత్తారు. ఇక ఇదే వేదికగా చైతూ శోభిత పెళ్లి గురించి మాట్లాడారు.
'పెళ్లి పనులు వాళ్లే చూసుకుంటున్నారు'
"ఇది మా నాన్నగారి శతజయంతి సంవత్సరం. అన్నపూర్ణ స్టూడియోస్‌ నాగచైతన్య- శోభితల పెళ్లికి వేదిక కావడం నాకెంతో సంతోషంగా ఉంది. ఇది కేవలం ఓ స్టూడియో కాదు.. మా కుటుంబ వారసత్వంలో ఓ భాగం. మా నాన్నగారికి ఇష్టమైన ప్రదేశం. చైతన్య పెళ్లిని చాలా సింపుల్‌గా చేయమని కోరారు. అందుకే ఈ వేడుకకు ఫ్యామిలీ మెంబర్స్, సన్నిహితులు అలాగే సినీ ప్రముఖులు మొత్తం 300 మందిని పిలవాలని అనుకుంటున్నాం. స్టూడియోలో అందమైన సెట్‌లో వీళ్ల పెళ్లి గ్రాండ్గా జరగనుంది. అయితే పెళ్లి పనులు కూడా వాళ్లిద్దరే చేసుకుంటామని అన్నారు. ఆ స్టూడియోలో అన్నీ వసతులు ఉన్నాయి. ఏటా అక్కడ కనీసం 10 పెళ్లిళ్లు జరుగుతుంటాయి. శోభిత తల్లిదండ్రులు సంప్రదాయబద్ధంగా తమ కుమార్తె పెళ్లి చేయాలని కోరారు. నాకు కూడా ఆ మంత్రాలు వినడం ఎంతో ఇష్టం. అవి వింటుంటే నా మనసు ఎంతో ప్రశాంతంగా ఉంటుంది. నాగచైతన్య - శోభితల పెళ్లి సంప్రదాయమైన తెలుగు పెళ్లి కానుంది. ప్రస్తుతానికి ఈ పెళ్లి పనులు చక చకా జరుగుతున్నాయి. రిసెప్షన్‌ వివరాలు మాత్రం ఇప్పుడే చెప్పలేను" అని నాగ్ అన్నారు.
శోభితతో చైతూ క్రేజీ సెల్ఫీ- ఇన్స్టా పోస్ట్ వైరల్
జంగిల్ సఫారీ టు లండన్ గేట్ వే - శోభితతో చై ప్రేమ చిగురించిందిలా! - Naga Chaitanya Sobhita Love Story
