Nayanthara New Movie Title Rakkayie : ప్రస్తుతం వరుస చిత్రాలతో అలరిస్తోన్న హీరోయిన్ నయనతార పుట్టిన రోజు నాడు అభిమానులకు సర్‌ప్రైజ్‌ ఇచ్చింది నయనతార. రక్కయీ అనే కొత్త సినిమాను ప్రకటించింది. సెంథిల్‌ దర్శకత్వంలో ఇది రానుంది. ఈ చిత్రాన్ని ఐదు భాషల్లో తెరకెక్కిస్తున్నారు.
ఈ వివరాలను తెలుపుతూ టైటిల్ టీజర్‌ను విడుదల చేశారు మేకర్స్. డ్రమ్ స్టిక్స్‌ ప్రోడక్షన్‌, మూవీ వర్స్‌ఇండియా ఈ చిత్రాన్ని సంయుక్తంగా నిర్మిస్తున్నాయి. ఈ సినిమాలో నయనతార కూతరు కోసం యుద్ధం చేసే శక్తి మంతమైన తల్లిపాత్రలో కనిపించనున్నారని తెలిసింది. ఈ నేపథ్యంలో నయన్ నటించిన ఆ పవర్‌ఫుల్‌ టైటిల్ టీజర్‌ను మీరూ చూసేయండి.
కాగా, టైటిల్ టీజర్ చూస్తే చిత్రంలో నయనతారది పవర్ ఫుల్ రోల్ అని తెలుస్తోంది. ఓ చిన్న పాపకి పాలు పడుతూ సాధారణ గృహిణిలా టీజర్ ప్రారంభంలో కనిపించింది నయన్. ఈ క్రమంలోనే చాలా మంది కత్తులు, కాగడాలతో ఆమె ఇంటి పైకి దాడికి రావడం, నయనతార కూడా ఆ తర్వాత సీరియస్ అండ్ రగ్డ్ యాక్షన్ మోడ్లోకి వచ్చి, కొడవళ్లతో యుద్ధానికి దిగడం చూపించారు. ఇంకా టీజర్లో నయనతార కట్టూ బొట్టూ ఆసక్తికరంగా ఉన్నాయి. ఇంకా చెప్పాలంటే ప్రచార చిత్రంలోని ప్రతి ఫ్రేమ్, ప్రతి సన్నివేశం పవర్ ప్యాక్డ్లా ఉండేలా కట్ చేశారు మేకర్స్. మొత్తానికి ఈ టీజర్తో లేడీస్ సూపర్ స్టార్ ఫ్యాన్స్కు అదిరిపోయే బర్త్ డే ట్రీట్ ఇచ్చారు మేకర్స్.
ఇకపోతే ఈ చిత్రానికి గోవింద్ వసంత సంగీతం అందిస్తున్నారు. గౌతం రాజేంద్రన్ సినిమాటోగ్రఫీ బాధ్యతలు చూసుకుంటున్నారు. ప్రస్తుతం ఈ సినిమాకు సంబంధించిన ప్రీ ప్రొడక్షన్ వర్క్ శరవేగంగా జరుగుతున్నాయట. త్వరలోనే మేకర్స్ ఈ చిత్రానికి సంబంధించిన మరిన్ని అప్డేట్లను తెలుపనున్నారు.