Hanuman Movie All Time Record:2024 సంక్రాంతి బరిలో చిన్న సినిమాగా నిలిచి ఘన విజయం సాధించింది 'హనుమాన్'. యంగ్ డైరెక్టర్ ప్రశాంత్ వర్మ గ్రాఫిక్స్తో క్రియేట్ చేసిన అద్భుతానికి థియేటర్లలో రెస్పాన్స్ అదిరిపోయింది. జనవరి 12న రిలీజైన ఈ సినిమా ఇప్పటికీ బాక్సాఫీస్ వద్ద హౌస్ఫుల్ షోస్ తో రన్ అవుతోంది. ఈ నేపథ్యంలో ఇప్పటికే పలు రికార్డులు బద్దలయ్యాయి. వరల్డ్వైడ్గా ఈ మూవీ రూ.250 కోట్ల మార్క్ దాటేసింది. అటు ఓవర్సీస్లోనూ 5+ మిలియన్ డాలర్లు వసూల్ చేసిన టాప్- 5 సినిమాల్లో ఒకటిగా నిలిచింది. ఇక హనుమాన్ తాజాగా మరో రికార్డును ఖాతాలో వేసుకుంది. అదేంటంటే?
టాలీవుడ్ ఇండస్ట్రీలో సంక్రాంతి బాక్సాఫీస్ ఫైట్ హీరోలందరి సెంటిమెంట్. తెలుగు రాష్ట్రాల్లో సంక్రాంతి పెద్ద పండగ కావడం వల్ల అందరు హీరోలు తమ సినిమాలు అప్పుడే రిలీజ్ చేయాలనుకుంటారు. ఈ క్రమంలో అనేక సంవత్సరాలుగా సంక్రాతికి పలువురు స్టార్ హీరోల సినిమాలు బాక్సాఫీస్ వద్ద సందడి చేస్తుంటాయి. అయితే 2024 సంక్రాంతికి కూడా పలు సినిమాలు రిలీజయ్యాయి. అందులో యంగ్ హీరో తేజ సజ్జ సినిమా హనుమాన్ భారీ విజయాన్ని సొంతం చేసుకొని పలు రికార్డులు బద్దలుగొడుతోంది. ఈ నేపథ్యంలో హనుమాన్ 92 ఏళ్ల తెలుగు సినిమా హిస్టరీలో 'ఆల్ టైమ్ సంక్రాంతి బ్లాక్బస్టర్'గా చరిత్ర సృష్టించింది. ఈ విషయాన్ని నిర్మాణ సంస్థ ప్రైమ్షో ఎంటర్టైన్మెంట్ అధికారికంగా ట్విట్టర్లో షేర్ చేసింది.