Fighter Box Office Collection : బాలీవుడ్ స్టార్ హీరో హృతిక్ రోషన్, దీపికా పదుకుణె కాంబోలో విడుదలైన లేటెస్ట్ మూవీ 'ఫైటర్'. ఏరియల్ యాక్షన్ డ్రామాగా డైరెక్టర్ సిద్ధార్థ్ ఆనంద్ ఈ చిత్రాన్ని తెరకెక్కించారు. భారీ అంచనాల నడుమ ఈ చిత్రం రిపబ్లిక్ డే కానుకగా ఈ ఏడాది జనవరి 25న థియేటర్లలోకి వచ్చింది. రిలీజైనప్పటి నుంచి ఇప్పటి వరకు బాక్సాఫీస్ వద్ద సక్సెస్ఫుల్ టాక్ అందుకుని దూసుకెళ్తోంది. ఈ నేపథ్యంలో తాజాగా ఈ మూవీ ద్వారా హృతిక్ ఓ అరుదైన రికార్డును తన ఖాతాలో వేసుకున్నాడు.
ట్రేడ్ వర్గాల సమాచారం ప్రకారం ఈ చిత్రం మూడు రోజుల్లో దాదాపు రూ.150 కోట్లు గ్రాస్ కలెక్షన్ సాధించింది. ఈ నేపథ్యంలో హృతిక్ ఇతర సినిమాలైన 'అగ్నిపథ్', 'కాబిల్' తర్వాత రిపబ్లిక్ డే సమయంలో విడుదలై రూ.100 కోట్ల గ్రాస్ కలెక్ట్ చేసి హ్యాట్రిక్ మూవీగా 'ఫైటర్' చరిత్రకెక్కింది. ఇలా హృతిక్ సినీ కెరీర్లో ఎన్నో సూపర్ హిట్ సినిమాలు ఉన్నాయి.
హృతిక్ కెరీర్లో హైయ్యెస్ట్ గ్రాసర్స్ ఇవే :మరోవైపు హృతిక్ కెరీర్లో రూ.100 కోట్ల క్లబ్లో చేరిన పదో సినిమాగా 'ఫైటర్' మరో రికార్డును తన ఖాతాలో వేసుకుంది. 2001లో వచ్చిన 'కబీ ఖుషి కబీ గమ్' సినిమా హృతిక్ కెరీర్లో తొలి రూ.100 కోట్ల గ్రాసర్ మూవీగా నిలిచింది. ఆ తర్వాత 'వార్' - (రూ.442.50 కోట్లు), 'బ్యాంగ్ బ్యాంగ్' - (రూ. 270.75 కోట్లు), 'క్రిష్ 3' - (రూ.291.50 కోట్లు), 'క్రిష్'(రూ. 126.50 కోట్లు), 'మోహంజుదారో' -(రూ. 104 కోట్లు),'విక్రమ్ వేద' - (రూ. 137 కోట్లు) 'ధూమ్ 2' - (రూ.151.50 కోట్లు), 'జోధా అక్బర్' - (రూ. 107.75 కోట్లు), 'జిందగీ నా మిలేగి దోబరా' - (రూ.153.25 కోట్లు), 'అగ్నిపథ్' - (రూ.194.25 కోట్లు), 'కాబిల్' -(రూ.154.50 కోట్లు), 'సూపర్ 30' - (రూ. 205.25 కోట్లు) ఇలా దాదాపు 13 సినిమాలు హృతిక్ కెరీర్లో హైయ్యెస్ట్ గ్రాసర్స్గా నిలిచాయి.
గూస్‌బంప్స్‌ తెప్పిస్తున్న 'ఫైటర్' ట్రైలర్‌ - గాల్లో యాక్షన్ సీన్స్ అదిరింది
'టాప్గన్ : మెవరిక్' రేంజ్లో 'ఫైటర్' టీజర్- యాక్షన్ మోడ్లో హృతిక్, దీపిక
