Family Star Release Date: టాలీవుడ్ స్టార్ హీరో విజయ్ దేవరకొండ- మృణాల్ ఠాకూర్ కాంబోలో తెరకెక్కుతున్న 'ఫ్యామిలీ స్టార్' రిలీజ్ డేట్ను మూవీ టీమ్ అఫీషియల్గా ప్రకటించారు. ఈ సినిమా 2024 ఏప్రిల్ 5న వరల్డ్వైడ్గా గ్రాండ్గా రిలీజ్ కానున్నట్లు తెలిపారు. ఈ సినిమాను డైరెక్టర్ పరశురామ్ తెలుగు, తమిళ భాషల్లో తెరకెక్కిస్తున్నారు. శ్రీ వేంకటేశ్వర క్రియేషన్స్ బ్యానర్పై దిల్రాజు నిర్మిస్తున్నారు. ఇక త్వరలోనే మూవీ ప్రమోషన్స్ ప్రారంభమయ్యే ఛాన్స్ ఉన్నట్లు తెలుస్తోంది.
అయితే ఈ సినిమా 2024 సంక్రాంతికే రావాల్సి ఉండగా, షూటింగ్ పనులు ఆలస్యం అవ్వడం వల్ల పోటీ నుంచి తప్పుకుంది. ఇక ఈ మూవీ 2024 సమ్మర్లోనే రిలీజ్ అవుతుందని నిర్మాత దిల్రాజు ఇదివరకే పలు సందర్భాల్లో చెప్పారు. అయితే దేవర సినిమా పోస్ట్పోన్ అయినట్లైతే ఫ్యామిలీ స్టార్ ఆ డేట్ను లాక్ చేసుకుంటుందని కూడా ఓ సందర్భంలో ఆయన అన్నారు. ఇక తాజాగా రిలీజ్ డేట్ అనౌన్స్ చేయడం వల్ల దేవర వాయిదా పడిందనే వార్తలు వస్తున్నాయి. కానీ, దీనిపై క్లారిటీ రావాల్సి ఉంది.
'గీతా గోవిందం' తర్వాత విజయ్- పరశురామ్ కాంబోలో వస్తున్న ఈ సినిమాపై ఫ్యాన్స్ ఎక్స్పెక్టేషనన్స్ పెంచుకుంటున్నారు. 2018లో వచ్చిన ఈ సినిమా అటు యూత్తో పాటు ఇటు ఫ్యామిలీ ఆడియోన్స్ను ఎంటర్టైన్ చేసి బాక్సాఫీస్ వద్ద మంచి హిట్ అందుకుంది. అర్జున్ రెడ్డి తర్వాత విజయ్ కెరీర్ను మలుపు తిప్పిన సినిమాల్లో 'గీత గోవిందం' కూడా ఒకటి. ఆ సినిమా తర్వాత మళ్లీ వీరిద్దరూ 'ఫ్యామిలీ మ్యాన్ కోసం' జత కట్టారు.